Usarem ti ‘Naespirituan a Sagutmo’

Maparparegtatayo no kaduatayo dagiti kakabsat. Ngem saan nga umdas a kaduatayo laeng ida. Ibaga ti Biblia nga agpipinnaregtatayo ken pabilgentayo ti pammati ti tunggal maysa. Awagan ti Biblia ti abilidadtayo a mangpabileg iti pammati ti sabsabali kas “naespirituan a sagut.” (Roma 1:​11, 12) Kasanotayo nga ad-adda a mausar dayta a sagut?

Mangparegtaka babaen kadagiti ibagam. Kas pagarigan, no agkomentotayo kadagiti gimong, saantayo koma nga agpokus iti bagitayo. Imbes ketdi, agpokustayo kadagiti nasursurotayo maipapan ken Jehova, iti Saona, ken kadagiti agserserbi kenkuana. No met makisaritatayo kadagiti kapammatiantayo, dagiti koma makapabileg ti pagsasaritaantayo.

Mangparegtaka babaen kadagiti desisionmo ken kadagiti aramidem. Kas pagarigan, adda dagiti kakabsat nga agserserbi latta iti amin tiempo uray no adda problemada. Regular met latta a makigimgimong ti dadduma iti tengnga ti lawas uray no nabambannogda iti trabahoda wenno uray adda problema ti salun-atda.

Maparparegtam kadi dagiti kakabsat babaen kadagiti ibagbaga ken ar-aramidem? Ap-apresiarem met kadi ti panangparegta kenka dagiti kapammatiam?