Pabilgem ti Panagtalekmo a Kabaelannaka nga Isalakan ni Jehova

Basaem ti Numeros 13:25–14:4 tapno maammuam no kasano a napukaw dagiti Israelita ti panagtalekda ken Jehova.

Adalem a naimbag ti konteksto. Apay a nagtalek koma dagiti Israelita a kabaelan ni Jehova nga isalakan ida idi pimmanawda idiay Egipto? (Sal. 78:12-16, 43-53) Apay a napukaw ti panagtalekda ken Jehova? (Deut. 1:26-28) Kasano nga impakita da Josue ken Caleb ti panagtalekda ken Jehova?—Num. 14:6-9.

Ammuem ti ad-adu pay. Ania koma ti inaramid dagiti Israelita tapno bumileg ti panagtalekda ken Jehova? (Sal. 9:10; 22:4; 78:11) Apay a masapul a raementayo ni Jehova tapno makapagtalektayo kenkuana?—Num. 14:11.

Ammuem dagiti masursurom. Isaludsodmo iti bagim:

• ‘Kadagiti ania a situasion a marigatanak a naan-anay nga agtalek ken Jehova?’

• ‘Kasano a mapabilegko ti panagtalekko ken Jehova ita ken iti masanguanan?’

• ‘Ania ti masiguradok no mangrugin ti dakkel a rigat?’—Luc. 21:25-28.