Sálmur

Söngljóð.

98 Syngið nýjan söng fyrir Jehóva+

því að verk hans eru stórkostleg.+

Hann hefur séð fyrir björgun* með hægri hendi sinni, heilögum handlegg sínum.+

2 Jehóva hefur kunngert björgunarverk sitt,+

hann hefur opinberað þjóðunum réttlæti sitt.+

3 Hann man eftir tryggum kærleika sínum og trúfesti við hús Ísraels.+

Öll endimörk jarðar hafa séð björgunarverk* Guðs okkar.+

4 Hrópið sigrandi til Jehóva, allir jarðarbúar.

Gleðjist, hrópið fagnandi og syngið lofsöng.*+

5 Syngið Jehóva lofsöng við hörpuleik,*

með hörpu og hljómfögrum söng.

6 Blásið í lúðra og horn,+

hrópið sigurglöð frammi fyrir konunginum Jehóva.

7 Hafið drynji og allt sem í því er,

jörðin* og þeir sem á henni búa.

8 Árnar klappi saman lófunum,

fjöllin hrópi fagnandi saman+

9 frammi fyrir Jehóva því að hann kemur* til að dæma jörðina.

Hann dæmir heimsbyggðina með réttlæti+

og þjóðirnar af sanngirni.+