Jobsbók

 2 „Þú hefur aldeilis hjálpað hinum þróttlausa

og bjargað þeim sem er máttvana!+

 5 Þeir sem liggja máttvana í dauðanum skjálfa,

þeir eru jafnvel neðar en vötnin og íbúar þeirra.

 6 Gröfin* er nakin frammi fyrir Guði,*+

eyðingarstaðurinn* er óhulinn.

 7 Hann þenur norðurhimininn* yfir tómarúmið*+

og lætur jörðina svífa í tóminu.*

 8 Hann bindur vatnið inn í skýin+

þannig að skýin bresta ekki undan þyngd þess.

 9 Hann hylur hásæti sitt,

breiðir ský sín yfir það.+

10 Hann merkir sjóndeildarhringinn* á yfirborð hafsins,+

dregur mörk milli ljóss og myrkurs.

11 Stoðir himinsins skjálfa,

þær skelfast ávítur hans.

12 Hann rótar upp hafinu með krafti sínum,+

í visku sinni molar hann sundur sæskrímslið.*+

13 Við andardrátt* hans verður himinninn heiðskír,

með hendi sinni leggur hann hraðskreiðan höggorminn í gegn.

14 Þetta eru bara ystu mörk verka hans,+

aðeins lágt hvísl heyrist um hann!