Hjálp til manna í neyð

Margt velviljað fólk langar til að hjálpa öðrum. En hvers konar hjálp er hægt að veita? Og hvernig er hægt að veita hana? Vinsamlegur maður skrifaði útibúi votta Jehóva í Hollandi í október 1992 og útskýrði hvernig hann langaði til að hjálpa.

„Síðastliðinn laugardag,“ sagði hann, „var mér boðið smárit sem heitir Líf í friðsömum nýjum heimi. Mér finnst þetta gott og auðskilið rit og boðskapurinn ágætur. Mér virðist það geta hentað fólki með alls konar erfið vandamál, fólki sem er virkilega hjálparþurfi, fólki sem myndi fúslega þiggja svona smárit.

Í nánd við skólann minn í Laurenskerkplein í Rotterdam situr alltaf hópur af flækingum, drykkjusjúklingum og fíkniefnaneytendum. Mér þætti vænt um að fá dálítið af smáritum frá ykkur til að bjóða þeim. Ég ætla mér alls ekki að vera uppáþrengjandi við þetta fólk. Ég hef bara hugsað mér að gefa því eitthvað sem höfðar til mín þegar ég á leið þar hjá.

Ég vonast til að fá hjálp ykkar við þetta. Ég óska ykkur alls hins besta í starfi ykkar.“

Vottar Jehóva helga sig því að hjálpa fólki að kynnast tilgangi Guðs betur. Ef þig langar til að fá eintak af þessu smáriti eða vilt fá ókeypis biblíunám á heimili þínu er þér velkomið að hafa samband við Varðturninn, Pósthólf 8496, 128 Reykjavík.