„Tárin streymdu niður kinnar mér“

„Ég er nýbúin að fá Vaknið! frá 8. mars 1995 og lesa baksíðugreinina þar sem verið er að bjóða bæklinginn Þegar ástvinur deyr. Greinin hét: ‚Það hefur verið svo erfitt að alast upp án hans.‘ Tárin streymdu niður kinnar mér þegar ég las orð ungs Ástralíubúa sem missti föður sinn tíu ára gamall. Ég er fimmtug og missti föður minn sjö ára gömul. Hann dó úr krabbameini 39 ára að aldri. Ég byrjaði fyrst að syrgja hann þegar ég var lögð inn á spítala vegna alvarlegs þunglyndis fyrir sex árum. Ég hef verið í meðferð núna í fimm ár og hef lært að takast á við mjög erfið mál.

Þangað til ég las bréfið hélt ég að það væri eitthvað stórlega athugavert við mig eða trú mína. Mér fannst ég vera eina manneskjan sem hefði þetta mikla tómarúm hið innra og gríðarlegan söknuð eftir föður mínum. Það er svo uppörvandi að vita að ég skuli ekki vera ein og að öðrum skuli vera eins innanbrjósts og mér.

Ég las bæklingin Þegar ástvinur deyr spjaldanna á milli. Hann er að mínu mati besta rit sem komið hefur út um þetta efni.“ — A. G. frá Connecticut í Bandaríkjunum.

Hefur þú misst ástvin í dauðann? Langar þig til að hljóta þá ósviknu hughreystingu sem Biblían veitir? Hafðu þá samband og pantaðu þennan 32 blaðsíðna bækling hjá Varðturninum, Pósthólfi 8496, 128 Reykjavík.