Tilkynningar

◼ Ritatilboðið fyrir janúar: Lífið — varð það til við þróun eða sköpun? ásamt bæklingnum Andar hinna dánu. Febrúar: Þú getur lifað að eilífu í paradís á jörð. Mars: Fjölskyldulíf þitt gert hamingjuríkt. Apríl og maí: Varðturninn og Vaknið! ásamt einhverjum bæklingi. Ef áhugi reynist vera fyrir hendi í endurheimsókn mætti bjóða áskrift að blöðunum. ATHUGIÐ: Söfnuðir, sem vantar ofannefnd rit, ættu að panta þau á pöntunareyðublaðinu (S(d)-14).

◼ Söfnuðirnir ættu að gera viðeigandi ráðstafanir fyrir minningarhátíðina sem verður í ár haldin laugardaginn 26. mars eftir sólsetur. Þótt æskilegt sé að hver söfnuður haldi sína eigin minningarhátíð er ekki víst að það sé alltaf gerlegt. Á stöðum þar sem fleiri en einn söfnuður nota venjulega sama ríkissalinn gæti verið best fyrir einn eða fleiri söfnuði að fá til afnota annan samkomustað þetta kvöld. Minningarhátíðin ætti ekki að hefjast það seint að þeim sem nýlega hafa fengið áhuga reynist óþægilegt að sækja hana. Þar fyrir utan ætti dagskráin ekki að vera svo þétt að lítill sem enginn tími gefist fyrir og eftir hátíðina til að heilsa gestum, gera ráðstafanir til að veita þeim frekari andlega aðstoð eða almennt fyrir þá sem eru viðstaddir að uppörva hver annan. Eftir að öldungarnir hafa hugleitt vandlega allar hliðar málsins ættu þeir að ákveða hvaða fyrirkomulag muni best hjálpa þeim sem sækja minningarhátíðina að hafa sem mest gagn af þessari kvöldstund.

◼ Opinberi fyrirlesturinn, sem farandhirðirinn mun flytja í næstu heimsókn sinni til safnaðanna, ber heitið „Stunur sköpunarinnar — mun þeim nokkurn tíma linna?“

◼ Sérræðan fyrir minningarhátíðartímann 1994 mun flutt um heim allan sunnudaginn 10. apríl. Ræðuefnið verður „Eru trúarbrögðin að bregðast mannkyninu?“ Ræðuuppkast verður sent. Ræðan skyldi hvergi flutt fyrr en 10. apríl.