Tilkynningar

◼ Rit sem nota skal í september: Þú getur lifað að eilífu í paradís á jörð. Október: Blöðin Varðturninn og Vaknið! Bjóða má áskrift í endurheimsóknum. Nóvember: Bæklingurinn Hver er tilgangur lífsins? — Hvernig getur þú fundið hann? Desember: Biblíusögubókin mín. ATHUGIÐ: Söfnuðir, sem vantar ofannefnd rit, ættu að panta þau á pöntunareyðublaðinu (S(d)-14). Vinsamlega munið eftir að panta þau aukablöð sem þið þurfið fyrir október, bæði af Varðturninum og Vaknið!

◼ Umsjónarmaður í forsæti, eða einhver sem hann tilnefnir, ætti að endurskoða bókhald safnaðarins 1. september eða eins fljótt þar á eftir og mögulegt er. Útgjöld, greidd úr sameiginlegum rekstrarsjóði tveggja eða fleiri safnaða, skyldi einnig endurskoða. Lesa skal upp tilkynningu til safnaðarins þegar því er lokið.

◼ Boðberar, sem hafa í hyggju að þjóna sem aðstoðarbrautryðjendur í október, ættu að afhenda umsóknir sínar snemma. Það mun gera öldungunum kleift að gera viðeigandi ráðstafanir hvað snertir rit og starfssvæði.

◼ Öldungarnir eru minntir á að framfylgja þeim leiðbeiningum sem gefnar eru á blaðsíðu 28-31 í Varðturninum frá 1. september 1991 varðandi brottrekna og þá sem hafa aðgreint sig en hafa ef til vill hug á að koma inn í söfnuðinn á ný.

◼ Frá 1. janúar 1994 hefur mánaðarleg útgáfa af Varðturninum á persnesku verið fáanleg.

◼ Síðan í júlí 1994 hefur mánaðarleg útgáfa af Varðturninum á georgísku verið fáanleg í pósti.

◼ Frá 1. september 1994 verður Varðturninn gefinn út mánaðarlega á kambódísku.

◼ Frá tölublaðinu 8. júlí 1994 hefur Vaknið! á kínversku verið gefið út hálfs­mánaðarlega og samtíma ensku útgáfunni.

◼ Varðturninn og Vaknið! á kínversku (einfaldaðri) er núna hægt að fá send til allra landa. Varðturninn er prentaður í fullum litum. Blöðin eru gefin út hálfsmánaðarlega og munu verða samtíma ensku útgáfunni.

◼ Meðhöndlun áskrifta: Til þess að Félagið geti veitt áskrifendum eins góða þjónustu og mögulegt er og tryggt að nýjum áskrifendum og þeim sem endurnýja áskriftir sínar berist blöðin fljótt og örugglega í hendur eru nokkur atriði sem mikilvægt er að hafa í huga: (1) Fylla skal út áskriftarmiðana með greinilegum prentstöfum. (2) Gæta skal þess að merkja við þá reiti sem við á og skrifa inn nauðsynlegar upplýsingar á áskriftarmiðann, eins og hvort áskriftin sé ný eða endurnýjun, nafn boðberans sem tekur við áskriftarbeiðninni frá áskrifandanum, nafn safnaðarins, safnaðarnúmer og hvenær móttekin. (3) Þeir sem sjá um áskriftirnar í söfnuðinum ættu að koma tilkynningum um útrunnar áskriftir taf­arlaust í hendur bræðranna til þess að hægt sé að fara strax í endurheimsókn til að endurnýja áskriftina ef áskrifandinn les blöðin og hefur áhuga á að fá þau áfram. (4) Boðberar ættu að hafa tilkynningarmiðann með sér í endurheimsóknina og nota hann ef áskrifandinn endurnýjar áskrift sína í stað þess að nota bláu og gulu prentuðu áskriftarmiðana. Á hverjum tilkynningarmiða er sérstök einkennistala, sem áskriftarforrit Félagsins gefur hverjum áskrifanda, og auðveldar það Félaginu að meðhöndla endurnýjunina þegar það fær miðann til baka með þessari einkennistölu. Prentuðu áskriftarmiðana, M-1 og M-101, ætti því aðeins að senda til Félagsins við endurnýjun áskrifta að engin tilkynningarmiði sé fyrir hendi. (5) Öllum áskriftum ætti að skila inn á næstu samkomu sé það gerlegt. Síðan skal senda þær til Félagsins í hverri viku, jafnvel þó að aðeins sé ein áskrift til að senda. (6) Sá bróðir í söfnuðinum, sem sér um áskriftirnar, og ritari safnaðarins ættu að ganga úr skugga um að áskriftarmiðarnir séu læsilegir og allt sé rétt og nákvæmlega útfyllt áður en miðarnir eru sendir til Félagsins.

◼ Ný rit fáanleg:

Danska: Efnisskrá Varðturnsfélagsins 1986-1990; Þegar ástvinur deyr. Enska: Efnisskrá Varðturnsfélagsins 1991-1993; Þegar ástvinur deyr. Íslenska: Grundvallarkenningar Biblíunnar. (Bæklingur með efninu í viðaukanum á blaðsíðu 171-218 í Þjónustubókinni.) Hver er tilgangur lífsins? — Hvernig getur þú fundið hann?; Þegar ástvinur deyr. Króatíska: Þegar ástvinur deyr. Pólska: Þegar ástvinur deyr. Rússneska: Þegar ástvinur deyr. Sænska: Vottar Jehóva — boðendur ríkis Guðs. Ungverska: Þegar ástvinur deyr. Þýska: Þegar ástvinur deyr.

◼ Nýar hljóðsnældur fáanlegar:

Enska: Mesta mikilmenni sem lifað hefur (átta snældur í umslagamöppu).