Tilkynningar

◼ Ritatilboðið í ágúst: Hver sem er af eftirtöldum 32 síðna bæklingum: Ber Guð í raun umhyggju fyrir okkur?, Hver er tilgangur lífsins — hvernig getur þú fundið hann?, „Sjá, ég gjöri alla hluti nýja,“ Stjórnin sem koma mun á paradís, Þegar ástvinur deyr og Ættum við að trúa á þrenninguna? Þar sem við á má bjóða bæklinginn Andar hinna dánu — geta þeir hjálpað þér eða gert þér mein? Eru þeir til í raun og veru? September: Bókin Þekking sem leiðir til eilífs lífs. Október: Einstök tölublöð af Varðturninum og Vaknið! Nóvember: Bókin Þekking sem leiðir til eilífs lífs.

◼ Nægilegt magn eyðublaða fyrir þjónustuárið 1999 verður sent til safnaðanna á næstunni. Vinsamlegast gætið þess að nota eyðublöðin skynsamlega og aðeins í þeim tilgangi sem til er ætlast.

◼ Hver söfnuður fær send þrjú eintök af ritatalningareyðublaðinu (S(d)-18). Ritari safnaðarins á að funda með bókaþjóninum snemma í ágúst og ákveða tíma í lok mánaðarins þegar fara á fram talning á ritabirgðum safnaðarins. Þá þarf að telja öll rit á lager og færa niðurstöðutölur á talningareyðublaðið. Upplýsingar um blaðabirgðir má fá hjá blaðaþjóninum. Sendið frumritið til Félagsins ekki síðar en 6. september. Haldið eftir afriti fyrir skjalasafn safnaðarins. Þriðja eintakið má nota sem vinnublað. Ritarinn á að hafa umsjón með talningunni og umsjónarmaður í forsæti á að yfirfara eyðublaðið eftir að það hefur verið útfyllt. Síðan er það undirritað af ritaranum og umsjónarmanni í forsæti.

◼ Söfnuðir geta pantað Dagatal votta Jehóva 1999 á ritapöntunareyðublaðinu í september. Dagatalið verður fáanlegt á eftirfarandi tungumálum: dönsku, ensku, finnsku, frönsku, ítölsku, norsku, spænsku, sænsku og þýsku.

◼ Starfsnefnd safnaðarins á að afgreiða allar umsóknir um reglulegt brautryðjandastarf tafarlaust. Hún á ekki að halda eftir umsókn til að sjá hvort umsækjandinn geti uppfyllt starfstímakröfuna. Breyta má útnefningardegi sjálfkrafa á umsóknum sem berast eftir að tilgreindur byrjunardagur er liðinn hjá. Brautryðjendur eru ekki útnefndir aftur í tímann nema veruleg ástæða þyki til. Séu slíkar aðstæður fyrir hendi ætti bréf að fylgja umsókninni. — Sjá viðauka Ríkisþjónustu okkar fyrir nóvember 1995, greinar 14-16.

◼ Sérstaki mótsdagurinn þjónustuárið 1999 verður haldinn sunnudaginn 1. nóvember 1998 í ríkissalnum á Akureyri og sunnudaginn 15. nóvember í Íþróttahúsinu Digranesi í Kópavogi. Stef mótsdagsins er: „Sýndu að þú kunnir að meta borð Jehóva“. Dagskráin hefst kl. 9:55 og lýkur kl. 15:50.