Tilkynningar

◼ Ritatilboðið í apríl og maí: Varðturninn og Vaknið! Gott væri að bjóða bókina Sameinuð í tilbeiðslu þegar við heimsækjum aftur áhugasamt fólk og þá sem hafa verið viðstaddir minningarhátíðina eða aðrar samkomur en eru ekki virkir í safnaðarstarfinu. Markmiðið ætti að vera að hefja biblíunámskeið og þá sérstaklega hjá þeim sem þegar hafa farið yfir Þekkingarbókina og Kröfubæklinginn. Júní: Lærum af kennaranum mikla. Ef húsráðandi segist ekki eiga nein börn má bjóða Þekkingarbókina með það fyrir augum að hefja biblíunámskeið. Júlí og ágúst: Hver sem er af eftirtöldum 32 síðna bæklingum: Ber Guð í raun umhyggju fyrir okkur?, Bók fyrir alla menn, Hvað verður um okkur þegar við deyjum?, Hver er tilgangur lífsins -- hvernig getur þú fundið hann?, Nafn Guðs sem vara mun að eilífu, „Sjá, ég gjöri alla hluti nýja“, Stjórnin sem koma mun á paradís, Þegar ástvinur deyr og Ættum við að trúa á þrenninguna?

◼ Deildarskrifstofan þarf að hafa rétt heimilisföng og símanúmer allra umsjónarmanna í forsæti og ritara. Vinsamlegast tilkynnið allar breytingar tafarlaust.

◼ Safnaðarritarar eiga að tryggja að nóg sé til af umsóknareyðublöðum fyrir brautryðjandastarf (S-205) og aðstoðarbrautryðjandastarf (S-205b). Þau má panta á ritapöntunareyðublaðinu (S-14). Eigið fyrirliggjandi að minnsta kosti eins árs birgðir. Farið yfir umsóknir um reglulegt brautryðjandastarf til að ganga úr skugga um að þær séu rétt útfylltar.

◼ Sumir boðberar hafa haft samband við deildarskrifstofuna til að spyrjast fyrir um upptökur á ríkissöngvum þar sem þeir eru leiknir og sungnir á nýstárlegan hátt. Þessum upptökum hefur nýlega verið dreift meðal sumra votta. Þeir spyrja hvort þetta sé gert með samþykki safnaðarins. Við vitum af þessum upptökum og viljum koma því á framfæri að þetta er ekki gert með okkar leyfi. Við biðjum ykkur um að dreifa þeim ekki eða sækja á Netið. Vonandi skýrir þessi tilkynning málin.