Þarftu að hætta?

Sumir boðberar hætta venjulega að starfa eftir ákveðinn tíma, til að mynda eftir eins til tveggja klukkustunda boðunarstarf. Auðvitað gætu aðstæður einhverra verið þannig að þeir þurfi að hætta á ákveðnum tíma. En hættirðu að starfa bara af því að aðrir í hópnum gera það? Eða er það kannski orðið að venju þar sem þú býrð að hætta að starfa eftir ákveðinn tíma? Gætirðu starfað nokkrum mínútum lengur og farið til dæmis í götustarfið? Gætirðu farið í eina eða tvær endurheimsóknir á leiðinni heim? Hugsaðu hvað það væri frábært ef þú hittir þó ekki væri nema einn áhugasaman einstakling heima eða einhvern vegfaranda sem tæki við blöðunum. Ef við getum verið lengur í starfinu í stað þess að hætta þá er það góð og einföld leið til færa Guði „lofgjörðarfórn“ í auknum mæli. – Hebr. 13:15.