Hlustið, hlýðið og hljótið blessun

1. Þeim er það lán sem að ljá Kristi eyra,

hans kenning lýsir öll upp þeirra braut.

Öllum sem hlýða því vel sem þeir heyra

mun einskær hamingja falla í skaut.

2. Mun húsið brotna’ undan vatni og bylgjum

ef það er bjargföstum kletti byggt á?

Nei, ef við leiðsögn Krists lútum og fylgjum

á bjargi líf okkar byggjum við þá.

3. Rétt eins og tréð sem að teygir djúpt rætur,

með tíð og tíma það ávöxt sinn ber.

Guðs blessun sjáum sem synir og dætur

og lífið sanna á jörðinni hér.