AÐ HEFJA SAMRÆÐUR
KAFLI 5
Háttvísi
Meginregla: „Verið alltaf vingjarnleg í tali.“ – Kól. 4:6.
Hvernig fór Páll að?
1. Horfðu á MYNDBANDIÐ eða lestu Postulasöguna 17:22, 23. Hugleiddu síðan eftirfarandi spurningar:
Hvað fannst Páli um skurðgoðadýrkunina sem var stunduð í Aþenu? – Sjá Postulasöguna 17:16.
Í stað þess að fordæma trúariðkun Aþeninga vísaði Páll í hana til að koma háttvíslega inn á fagnaðarboðskapinn. Hvernig fór hann að?
Hvað lærum við af Páli?
2. Fólk er líklegra til að hlusta á okkur ef við hugsum vel um hvað við segjum, og hvenær og hvernig við segjum það.
Líkjum eftir Páli
3. Vöndum orðavalið. Þegar þú ert til dæmis að tala við einhvern sem er ekki kristinn gætirðu þurft að kynna Biblíuna og Jesú til sögunnar með öðrum hætti en venjulega.
4. Verum ekki fljót til að leiðrétta viðmælanda okkar. Leyfðu honum að tjá sig frjálslega. Ef hann segir eitthvað sem stangast á við Biblíuna skaltu sporna gegn tilhneigingunni til að fara út í deilur. (Jak. 1:19) Með því að hlusta á hann kynnistu viðhorfum hans betur. – Orðskv. 20:5.
5. Hrósum viðmælanda okkar og verum sammála honum þegar við á. Kannski er hann alveg sannfærður um að trúarskoðanir hans séu réttar. Byrjaðu á því að finna sameiginlegan grundvöll og síðan geturðu hjálpað honum stig af stigi að skilja hvað Biblían kennir.