Höfuðþættir biblíubókanna auka innsæi okkar

ÞEGAR Gyðingar sneru heim frá útlegð í Babýlon á sjöttu öld f.o.t. söfnuðust ábyrgir menn meðal þeirra „saman hjá Esra fræðimanni til þess að gefa gaum að orðum lögmálsins.“ Hverju kom aukinn skilningur þeirra til leiðar? Þjóðin hélt sérstaka laufskálahátíð „og varð þar því mjög mikil gleði“! — Nehemía 8:13-18.

Eins og þetta dæmi sýnir glöggt getur aukið innsæi í Ritninguna haft mjög góð áhrif á þjóna Guðs. Því munu birtast í næstu tveim tölublöðum Varðturnsins, auk þessa, greinar undir yfirskriftinni „Höfuðþættir biblíubókanna.“ Þessar greinar munu gefa lesendum okkar betri innsýn í þær bækur Biblíunnar sem kenndar eru við Esra, Nehemía og Ester.

Þær munu hjálpa okkur að sjá fyrir okkur þá hrífandi atburði sem tengdust því er sönn guðsdýrkun var endurvakin í Jerúsalem, endurreisn musteris Jehóva þar og hvernig fólk Guðs var verndað þótt óvinir sæktu að því. Með því að lesa þessar biblíubækur munu vottar Jehóva og félagar þeirra hafa enn meira gagn en ella af yfirferð sinni yfir þessar biblíubækur í hinum vikulega Guðveldisskóla. Auk þess geta þeir bræður, sem falið er að fara með ‚höfuðþætti biblíulesefnisins‘ á dagskrá skólans, notað þetta efni til að svara spurningum viðvíkjandi efninu og benda á þann lærdóm sem við getum dregið af því. — Rómverjabréfið 15:​4.

[Tafla á blaðsíðu 19]

Persakonungar nefndir í Esra, Nehemía og Esterarbók

Stjórnartíð (f.o.t.) Veraldlegt nafn Biblíunafn Tilvísun

Um 550-529 Kýrus mikli Kýrus Esra 1:1; 4:5

529-522 Kambýses II Ahasverus Esra 4:6

522 (8 mánuðir) Gaumata (Smerdis) Artahsasta Esra 4:7-23

486-474 Xerxes I Ahasverus Esterarbók