Nafn Jehóva er gert kunnugt um alla jörðina
1 Þegar Jesús fól lærisveinunum að vera vottar sínir „allt til endimarka jarðarinnar“ hafði hann þegar gefið þeim fordæmi til eftirbreytni. (Post. 1:8) Hvenær og hvar sem hann hitti fólk talaði hann um tilgang Guðs með mannkynið. Að fyrirmynd Jesú notar trúi þjónshópurinn fjölmargar leiðir til að gera nafn Jehóva „kunnugt . . . um alla jörðina.“ — Jes. 12:4, 5.
2 Boðunaraðferðir fyrr á tímum: Á árum áður birtust prédikanir í dagblöðum, „Sköpunarsagan í myndum“ var gerð og sýnd milljónum manna, hátalarabílar og grammófónar voru notaðir, og um tíma útvarpið — allt til að prédika fagnaðarerindið. Höfuðáherslan hefur auðvitað alltaf verið sú að ná sambandi við fólk persónulega svo að hægt væri að glæða áhugann frekar. Þess vegna hefur boðunarstarfið hús úr húsi reynst afar áhrifarík leið til að gera nafn Jehóva kunnugt alls staðar. — Post. 5:42.
3 Boðunaraðferðir nú á tímum: Tímarnir eru breyttir og hraði og erill heimsins mikill. Víða um lönd er fólk sjaldan heima við. Fáir gefa sér tíma til að lesa og hugleiða andleg mál. Við þurfum að laga boðunarstarfið að því. Auk þess að halda áfram að fara yfir starfssvæðið hús úr húsi höfum við verið hvött til að fara þangað sem fólk er að finna, og vera ‚ætíð reiðubúin‘ að svara hverjum manni sem krefst raka fyrir voninni sem í okkur er. (1. Pét. 3:15) Það þýðir að við þurfum að leitast við að prédika fyrir vinnufélögum, skólasystkinum, fólki á götum úti, í almenningsgörðum, á bílastæðum, í fyrirtækjum og annars staðar þar sem það er að finna. Með Jehóva að bakhjarli ber viðleitni okkar góðan árangur. Leggurðu þig fram um að ná til fólks hvar sem það er að finna?
4 Látum einskis ófreistað til að gera nafn Jehóva kunnugt á starfssvæði okkar. Við getum haft mikla ánægju af því að fullna þjónustuna og treyst því að Jehóva dragi til sín réttsinnaða menn. — Jóh. 6:44.