Spurningakassinn

◼ Á að skrá fjölskyldunámið á starfsskýrsluna?

Ef foreldri stjórnar fjölskyldunámi og óskírð börn taka þátt í því má skrá á starfsskýrsluna í mesta lagi eina klukkustund og eina endurheimsókn á viku og eitt biblíunámskeið á mánuði. Þetta á líka við ef námið er lengra en ein klukkustund, er haldið oftar en einu sinni í viku eða er haldið með börnunum hverju fyrir sig. — Sjá Organized to Accomplish Our Ministry (Þjónustubókina), bls. 104.

Ef allir á heimilinu eru skírðir boðberar ætti hvorki að skrá tímann né námið á starfsskýrsluna (nema barnið sé enn að fara yfir seinni bókina eftir skírn). Ástæðan fyrir því er sú að starfsskýrsla safnaðarins endurspeglar aðallega árangurinn af því að boða og kenna þeim sannleika Biblíunnar sem eru ekki vígðir og skírðir þjónar Jehóva. (Matt. 24:14; 28:19, 20) En það dregur svo sannarlega ekki úr gildi þess að kenna börnunum reglulega.

Það er á ábyrgð foreldranna að kenna börnunum sannleika Biblíunnar. Þeir sem þurfa á aðstoð að halda til að koma fjölskyldunámi á eða bæta það að einhverju leyti gætu beðið öldungana um aðstoð. Ef aðstæður eru þannig að betra væri fyrir einhvern annan en foreldrana að leiðbeina óskírða barninu við biblíunámið ættu foreldrarnir að ráðfæra sig við öldung í forsæti eða starfshirði. Ef námið er samþykkt má sá sem hefur umsjón með því skrá það eins og hvert annað biblíunámskeið.

Það fer mikill tími og kraftur í að ala börn upp í sannleikanum, enn meiri en kemur fram á starfsskýrslunni. (5. Mós. 6:6-9; Orðskv. 22:6) Kristnir foreldrar eiga hrós skilið fyrir að axla þá miklu ábyrgð að ala börnin upp „með aga og umvöndun Drottins“. — Ef. 6:4.