Tillögur að kynningum

Að hefja biblíunámskeið fyrsta laugardaginn í desember

„Við erum að tala við fólk í dag um góða ríkisstjórn. Heldur þú að einhver ríkisstjórn geti upprætt erfiðleika eins og ofbeldi og óréttlæti?“ Gefðu kost á svari. Bentu húsráðanda á að í faðirvorinu kenndi Jesús fylgjendum sínum að biðja um að slík stjórn komi, það er að segja ríki Guðs. Sýndu honum baksíðu Varðturnsins nóvember-desember og farið sameiginlega yfir efnið undir fyrri spurningunni. Lestu síðan og útskýrðu að minnsta kosti annan ritningarstaðinn sem vísað er í. Bjóddu blöðin og gerðu ráðstafanir til að koma aftur og ræða um næstu spurningu.

Varðturninn Nóvember-desember

„Við erum stuttlega að ræða við fólk um þekkta bæn sem Jesús kenndi fylgjendum sínum. [Lestu Matteus 6:9, 10.] Hefur þér einhvern tíma verið sagt hvað ríki Guðs er og af hverju Jesús talaði svona oft um það? [Gefðu kost á svari.] Í þessu blaði er bent á hvað Biblían segir um ríki Guðs og þær stórkostlegu breytingar sem verða hér á jörð undir stjórn þess.“

Vaknið! Nóvember-desember

„Við erum að ræða við fólk um algengt vandamál. Sumir eru undir of miklu álagi í vinnunni og koma ekki auga á neina lausn. Sérfræðingar segja að slíkt álag geti leitt til útbruna sem er skaðlegur bæði fyrir líkama og sál. Hvað heldur þú að geti hjálpað fólki að finna gott jafnvægi í lífinu? [Gefðu kost á svari.] Hér er umhugsunarvert biblíuvers. [Lestu Prédikarann 4:6] Í þessu blaði eru fjögur gagnleg ráð til að finna jafnvægi milli vinnu og einkalífs og koma í veg fyrir útbruna.“