Hefur þú trú?

Við verðum að hafa trú til að Guð hafi velþóknun á okkur. En Biblían segir að ‚það hafi ekki allir trú‘. (2. Þess. 3:2) Þegar Páll postuli sagði þetta var hann að tala um ofsækjendur sína, ‚vonda menn sem ollu skaða‘ og hann þurfti vernd frá. En það sem hann sagði um trú á líka við um annað fólk. Sumir kjósa að hunsa skýrar sannanir fyrir því að til sé skapari – Guð. (Rómv. 1:20) Aðrir segja að þeir trúi á eitthvað þeim æðra. En slík trú ein og sér er ekki sönn trú í augum Jehóva.

Við þurfum að vera sannfærð um að Jehóva sé til og að hann „launi þeim“ sem hafa sanna trú. (Hebr. 11:6) Trú er hluti af ávexti heilags anda hans. Að leita til Jehóva í bæn getur hjálpað okkur að fá heilagan anda. (Lúk. 11:9, 10, 13) Önnur mikilvæg leið til að fá anda Guðs er að lesa innblásið orð hans. Síðan getum við hugleitt það sem við höfum lesið og reynt að fara eftir því sem við lærum. Andi Jehóva getur þá haft áhrif á líf okkar og hjálpað okkur að hafa trú sem hann er ánægður með.