Að finna frið þrátt fyrir stríð og vopnuð átök
Gary, sem var áður í hernum, segir: „Áður en ég kynnti mér Biblíuna hafði ég ekki hugmynd um hvers vegna það væri svona mikil grimmd, óréttlæti og ófriður í heiminum. En núna hef ég hugarfrið. Ég veit að Jehóva Guð á eftir að gera heiminn öruggan.“
Gary er ekki sá eini með þessa reynslu. Taktu eftir hvernig Biblían hefur hjálpað öðrum.
BIBLÍAN SEGIR: „Þú, Jehóva, ert góður og fús til að fyrirgefa.“ – Sálmur 86:5.
HVERNIG ÞAÐ HJÁLPAR: „Þetta vers fullvissar mig um að Jehóva sé miskunnsamur. Ég veit að hann er fús til að fyrirgefa mér allt sem ég gerði áður, þegar ég tók þátt í stríði.“ – Wilmar, Kólumbíu.
BIBLÍAN SEGIR: „Ég skapa nýjan himin og nýja jörð. Hins fyrra verður ekki minnst framar og það mun ekki íþyngja hjartanu.“ – Jesaja 65:17.
HVERNIG ÞAÐ HJÁLPAR: „Ég glími við áfallastreituröskun og þunglyndi vegna þess sem ég upplifði í hernum. En þetta vers minnir mig á að Jehóva muni bráðlega þagga niður í kvíðvænlegum hugsunum mínum og láta martraðirnar hætta. Þær munu ekki lengur vera í huga mínum og hjarta. Það er stórkostleg gjöf!“ – Zafirah, Bandaríkjunum.
BIBLÍAN SEGIR: „Á hans dögum mun hinn réttláti blómstra og friðurinn verður allsráðandi þar til tunglið er ekki lengur til.“ – Sálmur 72:7.
HVERNIG ÞAÐ HJÁLPAR: „Ég hugsa oft um þetta vers. Bráðlega verður sá hryllingur sem fylgir stríðum ekki til lengur og við þurfum ekki að hafa áhyggjur af öryggi ástvina okkar.“ – Oleksandra, Úkraínu.
BIBLÍAN SEGIR: „Þínir dánu munu lifa … Vaknið og hrópið af gleði, þið sem búið í moldinni.“ – Jesaja 26:19.
HVERNIG ÞAÐ HJÁLPAR: „Næstum öll fjölskylda mín var drepin í þjóðarmorðinu á Tútsum. En þetta vers fullvissar mig um að ég muni sjá þau aftur. Ég hlakka til að heyra glaðværar raddir þeirra þegar þau verða reist upp.“ – Marie, Rúanda.
BIBLÍAN SEGIR: „Innan skamms eru vondir menn ekki lengur til … En hinir auðmjúku erfa jörðina og gleðjast yfir miklum friði.“ – Sálmur 37:10, 11.
HVERNIG ÞAÐ HJÁLPAR: „Þó að stríðið sé búið erum við ekki laus við vont fólk og óréttlæti. Þessi vers hafa hjálpað mér heilmikið. Jehóva sér allt og þekkir aðstæður mínar. Hann lofar að bráðlega verði þetta allt gleymt og grafið.“ – Daler, Tadsíkistan.
Þeir sem er vitnað í í þessu blaði eru meðal þeirra milljóna votta Jehóva sem hafa fundið frið með hjálp Biblíunnar. Þeir hafa lært að sigrast á hatri, hvort sem það er persónulegt eða gagnvart kynþætti, þjóðerni eða ættflokki. (Efesusbréfið 4:31, 32) Vottar Jehóva eru hlutlausir í stjórnmálum og friðsamir. – Jóhannes 18:36.
Vottar Jehóva styðja líka hver annan eins og kærleiksrík fjölskylda. (Jóhannes 13:35) Oleksandra, sem vitnað var í áður, þurfti til dæmis að flýja undan stríði til annars lands með systur sinni. Hún segir: „Þegar við komum yfir landamærin hittum við strax votta sem voru þar til að taka á móti okkur. Þeir hjálpuðu okkur að aðlagast lífinu í nýju landi sem flóttamenn.“
Þú ert hjartanlega velkominn á samkomur Votta Jehóva þar sem við lærum um friðarboðskap Biblíunnar og hvernig við getum lifað í samræmi við hann. Farðu inn á jw.org til að finna samkomustað nálægt þér eða óska eftir ókeypis biblíunámskeiði þar sem vottur Jehóva fer með þér yfir ritið Von um bjarta framtíð.