Gagnleg ráð fyrir starfsfólk sjúkrahúsa sem glímir við streitu

Bryn býr í Norður-Karólínu í Bandaríkjunum. Hann er í spítalasamskiptanefnd, en hún vinnur náið með sjúkrahúsum sem annast sjúklinga sem eru vottar Jehóva.

Á meðan COVID-19 faraldurinn geisaði leyfðu mörg sjúkrahús engar heimsóknir. Bryn hringdi í yfirmann sálgæslu sjúkrahúss til að kanna hvernig hann gæti stutt sjúklinga sem eru vottar.

Bryn var þá settur í samband við aðstoðarmann forstjóra sjúkrahússins. Vegna þess að hömlur voru á heimsóknum bað Bryn um að sjúklingar sem eru vottar fengju símanúmer sitt svo að hann gæti talað við þá. Orðið var við beiðni hans.

Bryn fór þá að hugsa um starfsfólk sjúkrahússins. Hann sagði aðstoðarmanninum að hann dáðist að vinnunni sem sjúkrahúsið ynni af hendi og að hann vonaði að starfsfólkið væri við góða heilsu. Hann bætti því við að hann hefði lesið um það hve mikil streita hefði skapast í samfélaginu af völdum faraldursins, ekki síst hjá starfsfólki sjúkrahúsa.

Aðstoðarmaðurinn staðfesti að COVID-19 faraldurinn hefði valdið gríðarlegri streitu á sjúkrahúsinu.

Þá sagði Bryn: „Á vefsíðu okkar má finna upplýsingar sem hjálpa fólki að takast á við streitu. Ef þú ferð inn á jw.org og slærð inn leitarorðið ‚streita‘ í leitargluggann finnurðu uppörvandi greinar fyrir starfsfólkið þitt.“

Á meðan þeir töluðu saman fór hann inn á vefsíðuna, sló inn orðið „streita“ og sá greinarnar sem komu upp. „Vá!“ sagði hann. „Ég á eftir að sýna forstjóranum þetta. Þetta á eftir að gagnast starfsfólkinu og öðrum. Ég ætla að prenta út nokkur eintök og dreifa þeim.“

Nokkrum vikum síðar talaði Bryn við forstjórann sem staðfesti að þeir hefðu farið inn á vefsíðuna og prentað út nokkur eintök af greinum um streitu og skyld málefni. Þeir hefðu látið hjúkrunarfólk og annað starfsfólk spítalans fá þær.

Bryn sagði: „Forstjórinn þakkaði mér fyrir starf okkar og þessar vel skrifuðu greinar. Þær reyndust mjög gagnlegar.“