HALTU VÖKU ÞINNI

Skotárásir skekja heiminn – hvað segir Biblían?

UPPFÆRT: 27. apríl 2023

Hræðilegar skotárásir hafa áhrif á marga um allan heim. Hér eru fáein nýleg dæmi:

„Í Bandaríkjunum stefnir í nýtt met fjöldamorða á ári. Meðaltalið er komið í um eitt á viku.“ The Guardian, 21. apríl 2023.
„Tíu manns í sömu fjölskyldu voru drepnir í fjöldamorði í húsi í Suður-Afríku, þar af sjö konur og einn 13 ára drengur.“ – AP-fréttastofan, 21. apríl 2023.
„Maður vopnaður byssu í Hamborg í Þýskalandi skaut sex til bana í samkomusal Votta Jehóva áður en hann svipti sig lífi.“ – Reuters, 10. mars 2023.

Þeir sem þjást vegna voðaverka sem þessara geta fundið huggun í Biblíunni. Þú getur séð dæmi um það í myndbandinu DeJanerio Brown: Bognar en brotnar ekki.

Biblían hjálpar okkur líka að skilja hvers vegna voveiflegir atburðir gerast. Þú getur kynnt þér það betur með því að horfa á myndbandið Af hverju leyfir Guð þjáningar?

Átakanlegar skotárásir áttu sér stað víða um heim í júlí 2022:

„Japanska þjóðin er í áfalli eftir morðið á einum þekktasta stjórnmálamanni landsins [Shinzo Abe fyrrverandi forsætisráðherra] og hefur það einnig vakið óhug um heim allan, sérstaklega þar sem glæpatíðni er lág þar í landi og löggjöf um skotvopn mjög ströng.“ – The Japan Times, 10. júlí 2022.
„Danir eru í áfalli eftir að árásarmaður skaut þrjá til bana í verslunarmiðstöð í Kaupmannahöfn.“ – Reuters, 4. júlí 2022.
„Suður-Afríka: 15 manns látnir eftir að árásarmenn hófu skothríð á bar í bænum Soweto.“ – The Guardian, 10. júlí 2022.
„Rúmlega 220 manns létu lífið í skotárásum um þjóðhátíðarhelgina í Bandaríkjunum.“ – Fréttastofa CBS, 5. júlí 2022.

Er einhver von um að slíkt ofbeldi taki enda? Hvað segir Biblían?

Ofbeldi tekur enda

Biblían segir að við lifum á „síðustu dögum“ og að fólk myndi vera grimmilegt, miskunnarlaust og ofsafengið á þessum tíma. (2. Tímóteusarbréf 3:1, 3) Þess konar hegðun gerir að verkum að fólk býr við ótta. (Lúkas 21:11) En Biblían lofar því að ofbeldi taki enda og að fólk fái að „búa í friðsælu landi, í öruggu húsnæði og á kyrrlátum hvíldarstöðum“. (Jesaja 32:18) Hvernig líður ofbeldið undir lok?

Guð fjarlægir hina illu og eyðir öllum vopnum.

„Hinum illu verður útrýmt af jörðinni.“ – Orðskviðirnir 2:22.
„[Guð] stöðvar stríð um alla jörð. Hann brýtur bogann, mölvar spjótið, brennir stríðsvagna í eldi.“ – Sálmur 46:9.

Guð ræðst á rót vandans með því að kenna fólki að lifa í friði.

„Enginn mun gera neitt illt né valda skaða á mínu heilaga fjalli því að jörðin verður full af þekkingu á Jehóva eins og vatn hylur sjávardjúpið.“ – Jesaja 11:9.
Guð kennir fólki um allan heim nú þegar að beita ekki ofbeldi eða taka sér vopn í hönd. Hann segir því að „smíða plógjárn úr sverðum sínum og sniðla úr spjótum sínum“. – Míka 4:3.

Nánari upplýsingar um loforð Biblíunnar um heim án ótta má finna í greininni „Freedom From Fear – Is It Possible?“

Nánari upplýsingar um varanlega lausn á ofbeldisvandanum má finna í greininni „Peace on Earth at Last!“