Aðalboðskapur Biblíunnar er um ríki Guðs. Jehóva mun nota þetta ríki til að koma til leiðar upprunalegri fyrirætlun sinni með jörðina. Hvað er þetta ríki? Hvernig vitum við að það fer með stjórn núna? Hverju hefur það nú þegar komið til leiðar? Og hvað á það eftir að gera? Þessi kafli og næstu tveir svara þessum spurningum.

1. Hvað er ríki Guðs og hver er konungur þess?

Guðsríki er stjórn sem Jehóva Guð stofnsetti. Jesús Kristur er konungur þess og hann ríkir frá himni. (Matteus 4:17; Jóhannes 18:36) Í Biblíunni segir um Jesú: „Hann mun ríkja sem konungur … að eilífu.“ (Lúkas 1:32, 33) Sem konungur Guðsríkis mun Jesús ríkja yfir öllum á jörðinni.

2. Hverjir ríkja með Jesú?

Jesús ríkir ekki einn. Fólk „af hverjum ættflokki, tungu, kynþætti og þjóð … á að ríkja sem konungar yfir jörðinni“. (Opinberunarbókin 5:9, 10) Hversu margir munu ríkja með Kristi? Síðan Jesús kom til jarðarinnar hafa milljónir manna orðið fylgjendur hans. En það fara ekki nema 144.000 af þeim til himna til að ríkja með Jesú. (Lestu Opinberunarbókina 14:1–4.) Allir aðrir fylgjendur Krists á jörðinni verða þegnar Guðsríkis. – Sálmur 37:29.

3. Hvers vegna er ríki Guðs betra en stjórnir manna?

Jafnvel þegar mennskir stjórnendur vilja gera vel hafa þeir ekki vald til að gera allt sem þeir vilja. Fyrr eða síðar koma aðrir stjórnendur í þeirra stað og það er ekkert víst að þeir beri hag þegna sinna fyrir brjósti. En það kemur enginn í stað Jesú sem konungur í ríki Guðs. Guð hefur ‚stofnsett ríki sem verður aldrei eytt‘. (Daníel 2:44) Jesús mun ríkja yfir allri jörðinni og hann kemur eins fram við alla. Hann er kærleiksríkur, góður og réttlátur og hann mun kenna fólki að koma fram hvert við annað á sama hátt – af kærleika, góðvild og réttlæti. – Lestu Jesaja 11:9.

4. Voldug stjórn sem mun ríkja yfir allri jörðinni

Jesús Kristur hefur meira vald en nokkur stjórnandi sögunnar. Lesið Matteus 28:18 og ræðið síðan eftirfarandi spurningu:

• Hver er munurinn á valdi Jesú og valdi mennskra stjórnenda?

Stjórnir manna breytast oft og hver um sig ríkir aðeins yfir hluta af jörðinni. En hvað um ríki Guðs? Lesið Daníel 7:14 og ræðið síðan eftirfarandi spurningar:

• Hvers vegna er gott að ríki Guðs „verður aldrei eytt“?

• Hvers vegna er gott að það mun ríkja yfir allri jörðinni?

5. Það þarf að skipta út stjórnum manna

Hvers vegna þarf ríki Guðs að koma í stað mannlegra stjórna? Spilið MYNDBANDIÐ og ræðið síðan eftirfarandi spurningu:

MYNDBAND: Hvað er ríki Guðs? – útdráttur (1:41)

• Hvað hafa stjórnir manna haft í för með sér?

Lesið Prédikarann 8:9 og ræðið síðan eftirfarandi spurningar:

• Finnst þér að ríki Guðs ætti að koma í stað mannlegra stjórna? Hvers vegna?

6. Stjórnendur Guðsríkis skilja okkur

Konungur okkar, Jesús, lifði sem maður og getur þess vegna haft „samúð með okkur í veikleika okkar“. (Hebreabréfið 4:15) Jehóva hefur valið 144.000 trúfasta menn og konur af „hverjum ættflokki, tungu, kynþætti og þjóð“ til að ríkja með Jesú. – Opinberunarbókin 5:9.

• Finnst þér hughreystandi að Jesús og allir meðstjórnendur hans skuli þekkja hvernig það er að vera manneskja? Hvers vegna?

7. Lög Guðsríkis eru þau bestu

Ríkisstjórnir setja lög sem er ætlað að vera til gagns og verndar fyrir þegnana. Ríki Guðs hefur líka sett lög sem þegnar þess eiga að fylgja. Lesið 1. Korintubréf 6:9–11 og ræðið síðan eftirfarandi spurningar:

• Hvernig heldurðu að heimurinn verði þegar allir fylgja hegðunarreglum Guðs?a

• Finnst þér sanngjarnt af Jehóva að ætlast til þess af þegnum Guðsríkis að virða þessar reglur? Hvers vegna?

• Hvernig vitum við að fólk sem hlýðir ekki lögum Guðs getur breytt sér? – Sjá 11. vers.

SAMANTEKT

Ríki Guðs er raunveruleg stjórn á himni sem mun ríkja yfir allri jörðinni.

Upprifjun

• Hverjir fara með stjórn í ríki Guðs?

• Hvers vegna er ríki Guðs betra en allar stjórnir manna?

• Nefndu dæmi um það sem Jehóva ætlast til af þegnum Guðsríkis.

KANNAÐU

Lestu um hvar Jesús sagði að ríki Guðs væri.

„Er ríki Guðs innra með okkur?“ (Vefgrein)

Hvers vegna kjósa vottar Jehóva að sýna ríki Guðs hollustu frekar en stjórnum manna?

Ríki Guðs sýnd tryggð og hollusta (1:43)

Skoðaðu hvað Biblían segir um hinar 144.000 sem Jehóva velur til að ríkja með Jesú.

„Hverjir fara til himna?“ (Vefgrein)

Hvað sannfærði konu í fangelsi um að aðeins Guð gæti komið á réttlæti í heiminum?

„Ég fann svarið við óréttlætinu“ (Vaknið! janúar 2012)

Ríki Guðs er nú þegar við stjórn. Bráðlega gerir það miklar breytingar á jörðinni. Skoðum nokkur dæmi um það góða sem þú getur hlakkað til undir stjórn Guðsríkis.

1. Hvernig mun ríki Guðs koma á friði og réttlæti á jörðinni?

Jesús konungur Guðsríkis mun tortíma vondu fólki og stjórnum í stríðinu við Harmagedón. (Opinberunarbókin 16:14, 16) Þá rætist eftirfarandi loforð Biblíunnar að fullu: „Innan skamms eru vondir menn ekki lengur til.“ (Sálmur 37:10) Jesús mun nota ríkið til að tryggja frið og réttlæti um alla jörð. – Lestu Jesaja 11:4.

2. Hvernig verður lífið þegar vilji Guðs verður gerður á jörðinni?

Undir stjórn ríkis Guðs munu „hinir réttlátu ... erfa jörðina og búa á henni að eilífu“. (Sálmur 37:29) Ímyndaðu þér hvernig verður að búa í heimi þar sem allir eru réttlátir og allir elska Jehóva og hver annan. Enginn verður veikur og allir lifa að eilífu.

3. Hverju mun ríki Guðs koma til leiðar eftir að hinum illu er tortímt?

Eftir að hinum illu er tortímt mun Jesús ríkja sem konungur í 1.000 ár. Á þeim tíma munu hann og 144.000 meðstjórnendur hans hjálpa fólki á jörðinni að verða fullkomið og syndlaust. Í lok þessa tímabils verður jörðin orðin falleg paradís og allir njóta hamingju vegna þess að þeir hlýða lögum Jehóva. Síðan mun Jesús afhenda Jehóva föður sínum ríkið aftur. Nafn Jehóva verður helgað sem aldrei fyrr. (Matteus 6:9, 10) Það verður búið að sanna að Jehóva er góður stjórnandi sem er annt um þegna sína. Jehóva tortímir þá Satan, illu öndunum og hverjum þeim sem velur að rísa gegn stjórn hans. (Opinberunarbókin 20:7–10) Fullkomnu aðstæðurnar sem ríki Guðs kemur á munu vara að eilífu.

KAFAÐU DÝPRA

4. Ríki Guðs bindur enda á stjórnir manna

„Einn maður [hefur] drottnað yfir öðrum honum til tjóns.“ (Prédikarinn 8:9) Jehóva mun nota ríki sitt til að binda enda á þetta óréttlæti.

Lesið Daníel 2:44 og 2. Þessaloníkubréf 1:6–8 og ræðið síðan eftirfarandi spurningar:

• Hvernig munu Jehóva og Jesús sonur hans fara með stjórnir manna og þá sem styðja þær?

• Hvað fullvissar þig um að það sem Jehóva og Jesús eiga eftir að gera verði réttlátt og sanngjarnt?

5. Jesús er tilvalinn konungur

Sem konungur í ríki Guðs mun Jesús gera margt gott fyrir þegna sína á jörðinni. Spilið MYNDBANDIÐ til að sjá hvernig Jesús hefur nú þegar sýnt að hann hefur bæði löngun til að hjálpa fólki og mátt frá Guði til þess.

MYNDBAND: Jesús sýndi hverju ríki Guðs kemur til leiðar (1:13)

Þegar Jesús var á jörðinni gaf hann sýnishorn af því sem ríki Guðs kemur til leiðar. Hvaða loforð hlakkar þú sérstaklega til að sjá rætast? Lesið biblíuversin við þau loforð.

6. Það verður yndislegt að lifa undir stjórn ríkis Guðs

MYNDBAND: Forsmekkur að yndislegri framtíð (4:38)

Lesið Sálm 145:16 og ræðið síðan eftirfarandi spurningu:

• Hvaða tilfinningar vekur það með þér að vita að Jehóva mun ‚uppfylla langanir alls sem lifir‘?

SAMANTEKT

Ríki Guðs mun ná markmiði sínu. Það á eftir að breyta allri jörðinni í paradís og gott fólk sem tilbiður Jehóva fær að lifa að eilífu á henni.

Upprifjun

• Hvernig mun ríki Guðs helga nafn Jehóva?

• Hvers vegna getum við treyst því að ríki Guðs uppfylli loforð Biblíunnar?

• Hvað hlakkar þú mest til að sjá ríki Guðs gera?

KANNAÐU

Lestu um hvað Harmagedón er.

„Hvað er stríðið við Harmagedón?“ (Vefgrein)

Kynntu þér hvað gerist á þeim tíma sem Jesús kallaði ,þrenginguna miklu‘. – Matteus 24:21.

„Hvað er þrengingin mikla?“ (Vefgrein)

Sjáðu hvernig fjölskyldur geta séð fyrir sér lífið í paradís.

Sjáðu sjálfan þig fyrir þér í paradís (1:50)

Lestu söguna „Margar spurningar sóttu á mig“ til að sjá hvernig pólitískur uppreisnarmaður fann svör við spurningum sínum.

„Biblían breytir lífi fólks“ (Varðturninn 1. júlí 2012)