ÞJÁLFUNARLIÐUR 8

Áhrifaríkt myndmál

Matteus 13:34, 35

YFIRLIT: Bættu kennsluna með einföldu myndmáli sem höfðar til áheyrenda þinna og kennir mikilvæg atriði.

Veldu einfaldar líkingar. Gerðu eins og Jesús og notaðu hið smáa til að varpa ljósi á hið stóra og hið einfalda til að útskýra hið flókna. Ekki flækja líkinguna með ónauðsynlegum aukaatriðum. Vertu viss um að líkingin eigi vel við námsefnið, sem þú ert að kenna, svo áheyrendur missi ekki þráðinn.

Vertu athugull. Fylgstu með heiminum í kringum þig, lestu rit safnaðarins og fylgstu með góðum kennurum. Þegar þú gerir það skaltu skrifa hjá þér líkingar sem þú gætir notað til að verða betri kennari.
Hafðu áheyrendur þína í huga. Veldu líkingar sem eru sóttar í daglegt líf og áhugamál áheyrenda þinna. Gættu þess að nota líkingar sem hvorki móðga áheyrendur þína né gera þá vandræðalega.
Kenndu aðalatriðin. Einbeittu þér að því að lýsa aðalatriðum en ekki aukaatriðum. Sjáðu til þess að áheyrandi þinn muni ekki bara líkinguna heldur líka lærdóminn sem draga má af henni.