5. Ráð

Sinntu andlegu þörfinni

HVAÐ KENNIR BIBLÍAN? „Sælir eru þeir sem heyra Guðs orð og varðveita það.“ — Lúkas 11:28.

HVERS VEGNA ER ÞAÐ EKKI AUÐVELT? Trúfélög heims skipta þúsundum og hjá mörgum þeirra eru kenndar ólíkar leiðir til að sinna andlegu þörfinni. Hvernig er hægt að vita hvert þeirra kennir sannleikann og hefur velþóknun Guðs? Ýmsir þekktir rithöfundar fullyrða að það sé órökrétt og jafnvel skaðlegt að trúa á Guð og vera trúrækinn. Tímaritið Maclean’s dregur saman viðhorf þekkts trúleysingja með þessum orðum: „Þessi kristna hugmynd um að til sé eitthvað utan seilingar vísindanna og skilningarvita okkar . . . gerir lítið úr því eina lífi sem við eigum og veldur því að okkur hættir um of til ofbeldis.“

HVAÐ GETURÐU GERT? Skoðaðu rökin fyrir því að Guð sé til. (Rómverjabréfið 1:20; Hebreabréfið 3:4) Láttu engan aftra þér frá að leita svara við mikilvægum spurningum eins og: Hvers vegna erum við til? Er líf eftir dauðann? Hvers vegna eru svona miklar þjáningar í heiminum? Til hvers ætlast Guð af mér? Til að öðlast innri frið þarftu að fá fullnægjandi svör við þessum spurningum.

Trúðu samt ekki í blindni því sem aðrir segja þér. Orð Guðs hvetur okkur til að „skilja hver sé vilji Guðs“. (Rómverjabréfið 12:1, 2) Það borgar sig að leggja það á sig. Ef þú tekur þér tíma til að lesa og hugleiða Biblíuna og fylgja ráðum hennar geturðu komist hjá ótal vandamálum, dregið úr áhyggjum og aukið lífsgleðina. Þú mátt treysta því. Milljónir manna, með alls kyns bakgrunn í lífinu, hafa notið góðs af því að læra sannleikann um Guð og fyrirætlanir hans.

Þegar þú nýtur góðs af viturlegum ráðum Biblíunnar mun kærleikur þinn til Guðs dafna. Við hvetjum þig til að þiggja aðstoð við biblíunám hjá vottum Jehóva. Ef þú gerir það muntu eflaust taka undir orð Páls postula: „Trúin samfara nægjusemi er mikill gróðavegur.“ — 1. Tímóteusarbréf 6:6.

[Mynd á bls. 8]

Kynntu þér vilja Guðs.