Ha Noo Ividio Sade Uwẹ Man Ẹbho IBaibo

Arẹman kẹkẹ nan rẹ man ọria emhin sabọ rẹkpa ọle rẹ manman lẹn otọ emhin nan man ọle le. Ene emhin nan yẹ rẹkpa ọne ọria rẹ ye emhin nin ọle luẹle re. Jehova hi Ọman-emhin Nọn Kokhun Nẹ. Ọle tobọle bhọ noo arẹman rẹ man ẹbho emhin kpataki. (Ge 15:5; Jer 18:1-6) Jesu nin Ọman-emhin Nọn Khua da yẹ noo arẹman kẹkẹ. (Mt 18:2-6; 22:19-21) Arẹman ọkpa nọn wo rẹkpa mhan rẹ ha man ẹbho emhin ẹlẹnan hi ividio. Uwẹ noo ene ividio nan rẹ man emhin sade uwẹ man ẹbho iBaibo?

Ividio igbe ribhọ nan lu dagbare nin mhan rẹ ha man ẹbho emhin sade mhan rẹ ibrokiọ natiọle Ọta Nọn Mhẹn Nọn Nin Obọ Osẹnobulua Vae! rẹ man ele iBaibo. Inọnta eso ne ribhi uhọnmhọn-ọta kẹkẹ ne ribhi ọne ibrokiọ nan, ele a talọ nyan bhi ene ividio nan. Uwẹ ha tuje ọne brokiọ nan a bhi jw.org, uwẹ dẹ sabọ daghe ividio nan diẹn mun uhọnmhọn-ọta kẹkẹ. Ọnan dẹ rẹkpa uwẹ rẹ lẹn eji ọ da khẹke nin uwẹ re ividio man. Deba ọnin, uwẹ dẹ yẹ sabọ noo ividio nesẹmhan nekẹle sade uwẹ re ebe nekẹle nin mhan rẹ man ẹbho iBaibo man ọria emhin.

Ahamiẹn ọria nin uwẹ man ọlẹn iBaibo bha sabọ lẹn otọ emhin nin uwẹ man ọle le, la ọle mhọn edọnmhẹn nin ọle kuẹlo da, uwẹ sabọ guanọ ividio bhi jw.org® la JW Broadcasting®, nọn ha sabọ rẹkpa ọle. Uwẹ bi ọle sabọ ko ghe ọne ividio yẹ zilo nyan ọlẹn.

Uki-uki a rẹ ne vidio ọsọgbọn dagbare. Beji uwẹ ha rẹ ha ghe ele, ria eria uwedẹ nin uwẹ ha rẹ noo ele sade uwẹ man ẹbho iBaibo.