Noo Ebe Natiọle Sọnyẹnmhẹn bhi Ighegheghe! rẹ Rẹkpa Ẹbho Bọn Urẹọbhọ da Jehova bi Jesu

Ọkhẹke nin ẹbho nin mhan man ele iBaibo ha bọn urẹọbhọ nọnsele okhun nin ele da sabọ ha lu ebe yẹẹ Osẹnobulua. (Heb 11:⁠6) Mhan dẹ sabọ noo ebe natiọle Sọnyẹnmhẹn bhi Ighegheghe! rẹ rẹkpa ele lu iriọ. Ọne ebe nan mhọn emhin bii, Baibo nan yọle nan tie, ikpọta ne lẹkhẹ nan rẹ lẹn otọ ọle, inọnta kpataki, vidio ne mhẹn bhi ẹlo, bi foto ne mhọn-ose. Mhan ha rẹkpa ene imhan man ele iBaibo rẹ ha mhọn ikpẹ esili yẹ deba Osẹnobulua mhọn ikolu, ele ki sabọ ha lu re alo.​—⁠1Co 3:​12-15.

Ọ nọghọ ẹbho eso rẹ rẹọbhọ ghe ele dẹ sabọ kiẹn ọmọẹ Osẹnobulua nin ele isabọ daghe. Bhiriọ, ọkhẹke nin mhan rẹkpa ele lẹn iJehova, nin ele da sabọ mun udu nyan ọlẹn.

GHE ỌNE IVIDIO NATIỌLE NOO EBE NATIỌLE “SỌNYẸNMHẸN BHI IGHEGHEGHE!” RẸ RẸKPA ẸBHO BỌN URẸỌBHỌ DA JEHOVA. BHA HA KI GHE ỌLE FO, WANNIẸN ENE INỌNTA NAN:

• Be imhan rẹ lẹn yẹ ghe ọne obhio mhan nin okhuo muegbe ọne iluẹmhin ọbhi otọ?

• Be ọle rẹ noo inọnta nọnsẹn yẹ rẹ rẹkpa ọne ọria ta ebe ri ọle bhi ọkhọle rẹji ebi ele tiele bhi Isaiah 41:​10, 13?

• Be ọne ividio bi Baibo nin ele tiele rẹ rẹso ọne ọria yẹ?

Ẹbho ne bunbun bha lẹn ebi izọese nọnsi Jesu mundia nan, la ele ighe ọle bii ẹse nin Osẹnobulua lu nin ele. (Ga 2:20) Bhiriọ, ọkhẹke nin mhan rẹkpa ele ha mhọn urẹọbhọ da izọese nọnsi Jesu.

GHE ỌNE IVIDIO NATIỌLE NOO EBE NATIỌLE “SỌNYẸNMHẸN BHI IGHEGHEGHE!” RẸ RẸKPA ẸBHO BỌN URẸỌBHỌ DA JESU. BHA HA KI GHE ỌLE FO, WANNIẸN ENE INỌNTA NAN:

• Be imhan rẹ lẹn yẹ ghe ọne obhio mhan nin okpea muegbe ọne iluẹmhin ọbhi otọ?

• Be ọle rẹ noo emhin ne ribhi obọ natiọle “Fẹ Ene Emhin Nan Ghe” rẹ rẹkpa ọne ọria yẹ?

• Bezẹle nin erọnmhọn nan deba ọne ọria nan da manman khẹke?