7 Who re fi emamọ frankinsẹns* họ ehru ẹko ọvuọvo, o vẹ jọ wọhọ ebrẹdi orọ amabọ jọ idhe*+ nọ a rọ erae mahe kẹ Jihova. 8 Evaọ ẹdẹ Ẹdijala kpobi, ọ rẹ ruẹrẹ iẹe họ aro Jihova kẹse kẹse.+ Onana yọ ọvọ nọ ọ rẹ jọ ribri kugbe ahwo Izrẹl. 9 O rẹ jọ orọ Erọn avọ emezae riẹ,+ yọ a rẹ re iẹe evaọ oria ọrẹri,+ keme onana yọ oware nọ o mae rrọ ọrẹri kẹe nọ u no idhe nọ a rẹ rọ erae mahe kẹ Jihova ze, wọhọ ujaje nọ o rẹ jọ ribri.”

25 Rekọ ọ tẹ ta kẹ ae nọ: “Kọ wha ri se oware nọ Devidi o ru okenọ emu rai o re no, nọ ohọo u je kpei avọ ezae nọ e jọ kugbei?+ 26 Kọ wha re jọ iku kpahe Abayata+ olori izerẹ na se kpahe epanọ Devidi ọ rọ ruọ eva uwou Ọghẹnẹ, ọ tẹ re ebrẹdi nọ a ro mudhe kẹ Ọghẹnẹ,* onọ u fo nọ ohwo ọvo ọ rẹ re he ajokpaọ izerẹ+ na ọvo, ọ tẹ jẹ rehọ ejọ kẹ ezae nọ e jọ kugbei?”

3 Rekọ Jesu ọ tẹ kpahe kẹ ae nọ: “Kọ wha ri se oware nọ Devidi o ru okenọ ohọo u je kpei avọ ezae nọ e jọ kugbei?+ 4 Nọ ọ rọ ruọ eva uwou Ọghẹnẹ, a tẹ kẹe ebrẹdi nọ a ro mudhe kẹ Ọghẹnẹ* ọ tẹ re, ọ tẹ rehọ ejọ kẹ ezae nọ e jọ kugbei, onọ u fo nọ ohwo ọvo ọ rẹ re he ajokpaọ izerẹ na ọvo?”+