10 Rehoboam o te kpobọ Shẹkẹm,+ keme Izrẹl soso a nyaziọ Shẹkẹm re a rehọ iẹe mu ovie.+ 2 Nọ Jeroboam+ ọmọzae Nibat ọ nwani yo kpahe iẹe (oke yena ọ gbẹ jọ obọ Ijipti keme ọ dhẹ fiki Solomọn ovie na),+ Jeroboam o te zihe no obọ Ijipti ze. 3 A tẹ vuẹ sei nọ ọ nyaze, Jeroboam avọ Izrẹl soso a tẹ nyabru Rehoboam ze, a tẹ ta nọ: 4 “Ọsẹ ra o ru owhowha mai gbẹgbẹdẹ.+ Rekọ otẹrọnọ who te ru iruo egaga nọ ọsẹ ra ọ kẹ omai na lọhọ je ru owhowha ogbẹgbẹdẹ* nọ ọ wọ họ omai na vori, ma te gbodibo kẹ owhẹ.”