12 Rehoboam o te kpobọ Shẹkẹm, keme Izrẹl soso a nyaziọ Shẹkẹm+ re a rehọ iẹe mu ovie.+ 2 Nọ Jeroboam ọmọzae Nibat ọ nwani yo kpahe iẹe (oke yena ọ gbẹ jọ Ijipti keme ọ dhẹ fiki Solomọn ovie na, ọ tẹ jẹ rria obọ Ijipti),+ 3 a tẹ vuẹ sei nọ ọ nyaze. Kẹsena Jeroboam avọ ukoko ahwo Izrẹl soso a tẹ nyabru Rehoboam ze, a tẹ ta nọ: 4 “Ọsẹ ra o ru owhowha mai gbẹgbẹdẹ.+ Rekọ otẹrọnọ who te ru iruo egaga nọ ọsẹ ra ọ kẹ omai na lọhọ je ru owhowha ogbẹgbẹdẹ* nọ ọ wọ họ omai na vori, ma te gbodibo kẹ owhẹ.”