12 Okenọ edẹ ra i te re no,+ nọ who je whu wọhọ* esẹ-esẹ ra no, mẹ vẹ te rehọ ọmọ* ra mu, ọmọzae obọra,* yọ me ti ru uvie riẹ dikihẹ gaga.+ 13 Ọye họ ọnọ ọ te bọ uwou kẹ odẹ mẹ,+ yọ mẹ te rehọ agbara-esuo uvie riẹ dikihẹ gaga bẹdẹ bẹdẹ.+ 14 Mẹ te jọ ọsẹ riẹ, ọ vẹ te jọ ọmọzae mẹ.+ Nọ o te ru thọ, mẹ te rehọ ọkpọ ahwo gbe eviaviẹ emọ ahwo*+ rọ whọku ei. 15 Mẹ te siọ uyoyou mẹ nọ o rẹ hiẹ hẹ ba edhesẹ kẹe he, wọhọ epanọ mẹ se riẹ ba edhesẹ kẹ Sọl,+ ọnọ me si no aro ra.

 3 Wha fi ezọ rai hotọ re wha nyabru omẹ ze.+