Ẹkparomatha Jesu ri te Uwou-odi Pọl

Nọ Jesu owhu no, ẹdẹ avesa a tẹ kpariẹe ze. Evaọ ẹdẹ ọyena ọ tẹ roma via kẹ ilele riẹ isiasoi eva oke sasa. Edẹ 40 yọ Jesu ọ gbẹbe rọ oma via kae. Oke oyena, epanọ ilele riẹ jọ a bi ro riwi na, Jesu o te muvrẹ kpobọ odhiwu. Edẹ ikpe evrẹ no Ọghẹnẹ o te ku ẹzi ku ilele Jesu nọ erọ ẹhẹrẹ evaọ Jerusalem.

Uwhremuna, iwegrẹ Ọghẹnẹ i te gbolo ikọ na fihọ uwou-odi, rekọ ẹnjẹle o te siai noi ze. Iwegrẹ na erehọ itho fi Stivin olele na kpe no. Rekọ ma wuhrẹ epanọ Jesu ọ rọ salọ omọvo iwegrẹ na re ọjọ odibo oghẹrẹsa riẹ, nọ a se Pọl ukọ na. Kẹsena, nọ Jesu owhu ikpesa gbe ubro vrẹno, Ọghẹnẹ o te vi Pita ukọ na nyae vuẹ ovuẹ kẹ Kọniliọs ọgẹdhọ na avọ uviuwou riẹ.

Ole ikpe 13 evrẹno Pọl o te muọ erẹ ovuẹ ọsosuọ riẹ họ. Timọti o te kuomagbe Pọl evaọ erẹ avivẹ riẹ. Ma wuhrẹ kpahe eware omawere buobu evaọ Ọghẹnẹ ọ gọ nọ Pọl avọ egbẹnyusu erẹ riẹ a nyaku. Urere riẹ, a te fi Pọl họ uwou-odi obọ Rom. Ikpe ivẹ evrẹ no a te siobọ noi no, rekọ a tẹ wariẹ fiei họ uwou-odi oke oyena a je kpei no. Eware Abọ Avọ IHRẸ na evia evaọ etoke nọ ọvrẹ ikpe wọhọ 32.