Egbẹnyusu Ọghẹnẹ A Re Ru Oware Ezi

Who te wo ogbẹnyusu nọ ọ were owhẹ nọ whọ rẹ kẹ adhẹẹ, whọ rẹ daoma jọ wọhọ iẹe. Ebaibol na ọ ta nọ: “ỌNOWO họ ọrọ aruoriwo gbe ẹrẹreokie.” (Olezi 25:8) Re ma jọ ogbẹnyusu Ọghẹnẹ, ma rẹ jọ ahwo owoma je kiẹrẹe hrọ. Ebaibol na ọ ta nọ: “Wha jọ ahwo nọ a bi lele Ọghẹnẹ, wọhọ emọ iyoyou.” (Ahwo Ẹfisọs 5:1, 2) Idhere jọ nọ a re ro ru oyena ena:

Rọ obufihọ kẹ amọfa. “Joma ru iruo ezi kẹ ahwo kpobi.”—Ahwo Galesha 6:10.

Ruiruo gaga. “Jọ ọnọ o re tho uji na o gbe tho ofa ha, rekọ ikpoye a jọ oru iruo, ọ rehọ abọ riẹ ru oware nọ uwoma.”—Ahwo Ẹfisọs 4:28.

Jọ fuafo evaọ ugboma gbe uruemu. “Wha jọ oma ru oma mai fo uno eware nọ i re zue oma gbe ẹzi, re ma ru oma mai, [ọrẹri] kiete eva ozodhẹ Ọghẹnẹ.”—2 Ahwo Kọrint 7:1.

Rehọ uyoyou gbe adhẹẹ yeri kugbe uviuwou ra. “[Jọ] owhai kohwo kohwo o you aye riẹ wọhọ oma obọriẹ, jọ aye omariẹ ọ ruẹ nọ ọ rehọ adhẹẹ kẹ ọzae. Whai emaha na, wha yo ẹme enọ i yẹ owhai.”—Ahwo Ẹfisọs 5:33–6:1.

Dhesẹ uyoyou kẹ amọfa. “Wha [jọ] omai ohwo o you ohwo, keme uyoyou họ o rọ Ọghẹnẹ.”—1 Jọn 4:7.

Yoẹme kẹ izi ọ ẹkwotọ na. “Jọ kohwo kohwo oyo ẹme [egọmeti] na . . . Hwosa kẹ ae epanọ ute rai, osauzou kẹ ọnọ osauzou ute.”—Ahwo Rom 13:1, 7.