Ẹvẹ Whọ Sai ro Dhesẹ nọ Whọ Talamu Jihova?

Jọ abọ Ọghẹnẹ. 1 Pita 5:6-9

Whaha abọ nọ who re wo evaọ iruẹru hayo iruemu-ẹwho kpobi nọ e wọso Ebaibol. Re whọ sai ru onana o gwọlọ udu.

Who dhomahọ iruẹru esuo-ohrowo akpọ na ha; e be wha ẹjiroro Jihova gbe isiuru Uvie riẹ haro ho.

Salọ onọ u kiehọ, koyehọ, gaviezọ kẹ Ọghẹnẹ. Matiu 7:24, 25

Kuomagbe Isẹri Jihova; a ti fiobọhọ kẹ owhẹ si kẹle Ọghẹnẹ.

Hai gbe wuhrẹ kpahe Ọghẹnẹ, jẹ daoma lele izi riẹ.

Nọ ẹrọwọ ra ọ tẹ ga ziezi no, whọ vẹ rọ uzuazọ ra mudhe kẹ Jihova jẹ họ-ame.—Matiu 28:19.

Gaviezọ kẹ Ọghẹnẹ. Hai se Ebaibol na, jẹ ta kẹ Isẹri Jihova re a fiobọhọ kẹ owhẹ wo otoriẹ Ebaibol na. Kẹsena who ve fi eware nọ who wuhrẹ họ iruo. Who te ru ere, whọ te rria bẹdẹ bẹdẹ.—Olezi 37:29.