Eme Họ Oreva Ọghẹnẹ?

Ọghẹnẹ ọ gwọlọ nọ ma wo udhedhẹ gbe evawere bẹdẹ bẹdẹ evaọ aparadase otọakpọ.

Rekọ o sai gbe owhẹ unu nọ, ‘Ẹvẹ oyena o sae rọ lọhọ?’ Ebaibol ọ ta nọ Uvie Ọghẹnẹ u ti ru ei lọhọ, yọ o rrọ oreva Ọghẹnẹ re ahwo kpobi a wuhrẹ kpahe Uvie yena gbe ẹjiroro nọ o wo kẹ omai.​—Olezi 37:11, 29; Aizaya 9:7.

Ọghẹnẹ ọ gwọlọ nọ ma wo erere.

Wọhọ epanọ emamọ ọsẹ ọ rẹ gwọlọ oware nọ o mai woma kẹ emọ riẹ na, Ọsẹ obọ odhiwu mai ọ gwọlọ nọ ma wo evawere bẹbẹ bẹdẹ. (Aizaya 48:17, 18) Ọ ya eyaa inọ “ohwo nọ o bi ru oreva Ọghẹnẹ ọ rẹ jọ bẹdẹ bẹdẹ.”​—1 Jọn 2:17.

Ọghẹnẹ ọ gwọlọ nọ ma nya evaọ idhere riẹ.

Ebaibol na ọ ta nọ Ọnọ ọ ma omai ọ gwọlọ “wuhrẹ omai kpahe idhere riẹ” re ma sae “nya evaọ idhere riẹ.” (Aizaya 2:2, 3) O koko ‘ahwo họ kẹ odẹ riẹ’ re a whowho oreva riẹ nya akpọ na soso duwu.​—Iruẹru Ikọ 15:14.

Ọghẹnẹ ọ gwọlọ nọ ma gọe evaọ okugbe ọvo.

Egagọ efuafo Jihova e be hẹriẹ ahwo ho, ukpoye i bi ku ahwo kugbe fiki uvi uyoyou. (Jọn 13:35) Amono a be jọ oria kpobi nẹnẹ wuhrẹ te ezae te eyae re a gọ Ọghẹnẹ evaọ okugbe ọvo? Ma zizie owhẹ inọ whọ rọ ẹkwoma ibroshọ nana kiẹ kpahe ahwo nana.