Isẹri Jihova

OGHẸRẸ AHWO NỌ MA RRỌ

Uwuhrẹ 1-4

Isẹri Jihova a rrọ ekwotọ nọ i bu te egba ivẹ gbe udhuvẹ (240), yọ a no oghoghẹrẹ uyẹ kpobi gbe evẹrẹ sa-sa ze. Eme o ku ahwo nana nọ a no eghagha avọ eghagha ze na kugbe? Oghẹrẹ ahwo vẹ Isẹri Jihova a rrọ?

IRUẸRU MAI

Uwuhrẹ avọ 5-14

A riẹ iruo usi uwoma ota mai ziezi. Ma re je kuomagbe evaọ Egwa Uvie mai re ma wuhrẹ Ebaibol na jẹ gọ Ọghẹnẹ. Oghẹrẹ vẹ iwuhrẹ na e rrọ, kọ oghẹrẹ ahwo vẹ a re kpohọ iwuhrẹ na?

UKOKO MAI

Uwuhrẹ avọ 15-28

Onana yọ ukoko akpọ-soso, nọ u bi ru iruẹru ekiọthuọ ọvo nọ a re ro wo erere he, yọ unevaze ahwo riẹ a be rọ gọ Ọghẹnẹ. Oghẹrẹ vẹ a ruẹrẹ ukoko na họ, ẹvẹ a be rọ kpọe, jẹ be ruẹ ugho rọ rẹrotei? Kọ u bi gine ru oreva Jihova nẹnẹ?