Eme Emuhọ Abọ avọ 8

Jihova ọ kẹ Solomọn areghẹ, je fiobọhọ kẹe bọ etẹmpol na, rekọ Solomọn ọ tẹ rọ ẹmẹrera nyasiọ Jihova ba. Orọnọ whẹ yọ ọsẹ hayo oni, fiobọhọ kẹ ọmọ ra riẹ oghẹrẹ nọ eyae egedhọ e rọ lẹliẹ Solomọn kiukeku Ọghẹnẹ. Uvie na o ghale kpohọ abava, yọ ivie iyoma e lẹliẹ orẹwho Izrẹl soso kie ruọ edhegọ. Evaọ oke nana, a je kpokpo eruẹaro Jihova buobu, yọ a tube kpe ejọ no dede. Jezibẹl ovie-aye na ọ lẹliẹ erua ikpe Izrẹl soso jẹ gọ edhọ. Onana o jọ oke uyoma gaga evaọ ikuigbe ahwo Izrẹl. Rekọ Jehoshafat ovie na, Elaejah ọruẹaro na, gbe ahwo Izrẹl buobu a gbe je yoẹme kẹ Jihova.