Eme Emuhọ Abọ avọ 14

Ileleikristi ikpe-udhusoi ọsosuọ a ta usi uwoma Uvie na te oria nọ o mai thabọ evaọ akpọ na. Jesu ọ jẹ hae kpọ ae kpohọ oria nọ a rẹ jọ ta usi uwoma, yọ ọ rọ edhere igbunu fiobọhọ kẹ ae re a rọ evẹrẹ sa-sa ta usi uwoma. Jihova ọ kẹ rai udu gbe ogaga nọ a sai ro thihakọ ọwọsuọ.

Jesu ọ jọ eruẹaruẹ dhesẹ oruaro Jihova kẹ Jọn. Evaọ eruẹaruẹ efa, Jọn ọ ruẹ Uvie Ọghẹnẹ evaọ obọ odhiwu nọ u fi Setan kparobọ jẹ rọ esuo riẹ toba. Jọn ọ ruẹ Jesu nọ ọ rrọ Ovie nọ o bi su avọ ahwo idu udhuhrẹ-gbene (144,000) nọ i bi lelei su. Jọn ọ tẹ jẹ ruẹ akpọ na kpobi nọ o zihe ruọ aparadase nọ ahwo kpobi a be jọ gọ Jihova avọ udhedhẹ gbe okugbe.