A Be Rọ Imimẹ Jiri Ọnọma Rai

EKIEDIWO-ỌRE o re wo erru gaga. Rekọ eriwo ọre ọnana nọ o bi kiediwi evaọ emu ugbehru onana evaọ Apuan Alps ọrọ Tuscany, Itali na, o rọ oghẹrẹsa.

Who te rri rie no ugbo ze, o rẹ wọhọ nọ ọre na o bi kie fihọ ehru ugbehru na ukpenọ o rẹ ruọ emu riẹ. Fikieme? Keme ẹroro ugbehru na o nẹ rueva epaọ ẹsenọ a tọe fihọ ugbehru na. Evaọ uzẹme, ẹnẹrueva ọnana a rọ kẹe odẹ na, Monte Forato—Ugbehru Eghogho. Fiki epanọ akpọ na ọ be dhẹ ọre wariẹ họ, isiava ọvo evaọ ẹgbukpe enọ i bi rri ọgọdọ na lafi a rẹ ruẹ ọre na wọhọ ẹsenọ o bi kie ruọ Monte Forato.

Wọhọ emama efa, idhiwu nọ e rọ uzuazọ họ na i bi jiri Ọnọma rai. Evaọ oghẹrẹ vẹ? Wọhọ epanọ ifoto nọ a drọ ziezi o rẹ wha ajiri se ọnọ ọ drọ riẹ na. Koyehọ, ekwakwa odhiwu na e be ta kpahe ogaga Jihova, areghẹ riẹ, gbe oruaro riẹ. Wọhọ epanọ ọnọ ọ so ilezi na o fi rie họ, “ihru e [be] ta oruaro Ọghẹnẹ via; ivu ihru i dhesẹ iruo abọ riẹ.” (Olezi 19:1; 69:34) Nọ ọre avọ ekwakwa efa nọ e rọ uzuazọ họ i bi jiri Ọnọma rai na, kọ ẹvẹ ma re jiri iei te!—Olezi 148:1, 3, 12, 13.