“Mẹ Rẹ Sae Ruẹ Okegbe Udhedhẹ Na”

ỌZAE obọ Germany jọ o kpohọ okokohọ Isẹri Jihova re ọ “kiotọ” Isẹri na. Fikieme? Ute riẹ họ re “ọ fere egagọ nana via jẹ thọ egbẹnyusu riẹ re a seba evru.” Nọ o kpohọ okokohọ na no, o te kere ileta nana se egbẹnyusu riẹ:

“Okenọ mẹ kẹle oria okokohọ na no, u te je gb’omẹ unu sọ oria na oye. Uvumọ ohwo ọ jọ otafe he, yọ ewẹ ebe hayo ikolo e rọ otọ họ. Nọ me bi sikẹle oria na, mẹ tẹ ruẹ emoha ivẹ nọ e rọ kpatiẹ nọ e rọ unuẹthẹ afe-aruọza na. A te yere omẹ je rovie ẹthẹ k’omẹ.

“Me je rẹro nọ me ti yo edo ọ idu ahwo nọ a kokohọ etẹe na, rekọ oria kpobi o jọ dhedhẹ. Me te roro nọ: ‘Ẹsejọhọ umutho ahwo jọ ọvo a vaha oma fihọ oria na kpobi.’

“Okenọ mẹ rueva, edrama nọ a be jọ eplatfọmo na ru u te si iroro mẹ rehọ. Uwhremu na me te ti vuhumu nọ idu ahwo e vọ afe-aruọza na nọ e be gaviezọ ziezi. Mẹ rẹ sae ruẹ okegbe udhedhẹ na. Oware nọ me yo, ruẹ, gbe oghẹrẹ nọ oma u ru omẹ evaọ oke okokohọ nọ u kiọkọ na u duobọ te omẹ gaga.

“Nọ me kuomagbe Isẹri na, me muẹrohọ ovao evawere rai gbe oma uyoyou rai. Idudhe na, mẹ gbẹ sae gba oma mẹ hẹ, ‘Ahwo nana ghinọ ahwo Ọghẹnẹ!’ ”

Ukpenọ ọ rẹ ‘thọ egbẹnyusu riẹ re a seba evru,’ ọmoha na ọ tẹ yare re a wuhrẹ Ebaibol kugbei. Eme o no rie ze? Nẹnẹ, ọ rọ ọkpako Oleleikristi. Tei te uviuwou riẹ a rrọ gaga evaọ ukoko ẹvẹrẹ jọ evaọ Zug, Switzerland.