O Wariẹ Dhe Ẹmẹro Na Họ Iziabọ Rai

“RRI iziabọ mẹ. Whọ jariẹ ruẹ oware jọ nọ u wo ohẹriẹ?” Ọzae jọ o je dhesẹ iziabọ riẹ kẹ aye jọ, omọvo Isẹri Jihova, ọnọ o rri rie ọ tẹ nwani muẹrohọ nnọ ẹmẹro orọo riẹ ọ riẹ hẹ. Ọ ta nnọ tei te aye riẹ a gbẹ be sae rria kugbe he, a tẹ jiroro nọ a rẹ fa orọo. Osẹri na ọ tẹ ta nọ: “Ijo! Rehọ obe onana re who sei. U ti fiobọhọ kẹ owhẹ evaọ orọo ra.” Ọ tẹ kẹe obe nọ a kporo no Ebaibol ze na Eriariẹ Nọ I Re Su Kpohọ Uzuazọ Ebẹdẹ Bẹdẹ.a

Nọ edẹ jọ e vrẹ no ọzae na o te zihe bru Osẹri na ze avọ evawere. O te dhesẹ obọ riẹ kẹe. Oke nana yọ ọ whẹ ẹmẹro orọo riẹ họ no. Ọ tẹ ta kẹe nnọ tei te aye riẹ a se obe Eriariẹ na no yọ obọnana aimava a be wereva gaga. Obe na o wariẹ dhe ẹmẹro na họ iziabọ rai no.

Ohrẹ Ebaibol na o rẹ sai fiobọhọ kẹ ọzae gbe aye dhesẹ uvi uyoyou kẹ ohwohwo. Onana o rọ ere keme ọnọ o wo Ebaibol na họ Ọnọma omai, ọnọ ọ ta nọ: “Mẹ họ ỌNOWO na Ọghẹnẹ ra, ọnọ o wuhrẹ owhẹ wo erere, ọnọ osu owhẹ nya edhere nọ o fo ẹnya.”—Aizaya 48:17.

[Oruvẹ-obotọ]