UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • w01 6/1 ẹwẹ. 19
  • A Ru Ẹgwọlọ Abọ-Ẹzi Riẹ Gba

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • A Ru Ẹgwọlọ Abọ-Ẹzi Riẹ Gba
  • Uwou-Eroro Na Nọ U Bi Whowho Uvie Jihova—2001
  • Onọ O Wọhọ E Riẹ
  • Ozọ U Mu Omai Hi—Jihova Ọ Jọ Gb’omai
    Uwou-Eroro Na Nọ U Bi Whowho Uvie Jihova—2008
Uwou-Eroro Na Nọ U Bi Whowho Uvie Jihova—2001
w01 6/1 ẹwẹ. 19

Iwhowho Uvie A n’Iyẹrẹ

A Ru Ẹgwọlọ Abọ-Ẹzi Riẹ Gba

SAIPRỌS yọ ukoliko jọ evaọ ubiozọ ẹkpẹlobọ-ovatha-ọre ọ Abade Mediterenia. Evaọ etoke Ebaibol, a riẹ Saiprọs ziezi fiki ekpọna gbe emamọ ire riẹ. Pọl avọ Banabas a jọ etẹe whowho emamọ usi Uvie na evaọ etoke erẹ imishọnare ọsosuọ rai. (Iruẹru 13:4-12) Nẹnẹ na, emamọ usi na u gbe bi wo emamọ iyẹrẹ evaọ uzuazọ ahwo Saiprọs buobu. Onana o rrọ ere kẹ Lucas, ọzae nọ ọ rọ ikpe 40 gbọ. O gbiku nọ:

“A y’omẹ fihọ uviuwou emọ ihrẹ nọ o jẹ rria evaọ udhu nọ a rẹ jọ yọrọ iruẹ. No emaha ze, obe-use o rẹ were omẹ. Obe nọ o mae were omẹ họ Ebaibol ọsese jọ nọ o wo Ikereakere Griki Ileleikristi na. Okenọ mẹ jọ ikpe ikpe, mẹ avọ egbẹnyusu mẹ jọ ma te ru ẹko uwuhrẹ Ebaibol osese jọ. Rekọ u kri hi, keme ekpako jọ evaọ iwhre na a je se omai enọ i kie no ichọche.

“Uwhremu na, okenọ me je kpohọ isukulu evaọ obọ United States, mẹ tẹ nyaku ahwo nọ a rọ oghẹrẹ egagọ sa-sa. Oyena o tẹ wariẹ kpare isiuru mẹ kẹ eware abọ-ẹzi. Mẹ raha edẹ buobu evaọ evu-ebe yunivasiti na je wuhrẹ kpahe egagọ sa-sa. Me te je kpohọ ichọche buobu, rekọ ghelọ omodawọ mẹ, eva e v’omẹ evaọ abọ-ẹzi ghele he.

“Nọ me no isukulu ruotọ no, me te zihe kpohọ Saiprọs, mẹ tẹ ro iruo wọhọ osu oria imu. Ọkpọkuọzae jọ nọ a re se Antonis, omọvo Isẹri Jihova, ọ jẹ hai weze bru omẹ ziọ oria iruo mẹ. Rekọ Ichọche Ọtọdọks ọ Griki na a muẹrohọ iweze riẹ.

“U kri hi, owuhrẹ-egagọ jọ o te weze bru omẹ ze ọ tẹ ta oyẹlẹ họ omẹ oma re mẹ siọ ẹme ba ẹta kugbe Isẹri Jihova. Nọ o rọnọ a wuhrẹ omẹ no emaha ze inọ uzẹme na o rrọ evaọ Ichọche Ọtọdọks ọ Griki na, mẹ tẹ rọwo ẹme nọ a ta k’omẹ na mẹ tẹ siọ oke ba ẹraha ro lele Antonis, me te muọ ẹme họ ẹta kpahe Ebaibol na kugbe owuhrẹ-egagọ na. Me te je weze kpohọ iwou-omakodhere egagọ buobu evaọ Saiprọs. Me tube kpohọ ofẹ ẹkpẹlobọ-ọre Grisi weze kpohọ Ugbehru Athos, onọ a rehọ wọhọ ugbehru nọ o mae rọ ọrẹri kpobi evaọ udevie Ileleikristi Ọtọdọks. Ghele na, enọ mẹ kpahe Ebaibol na e gbẹ jọ otọ.

“Mẹ tẹ lẹ se Ọghẹnẹ re o fiobọhọ k’omẹ ruẹ uzẹme na. U kri hi, Antonis ọ tẹ wariẹ weze bru omẹ ziọ oria iruo mẹ, mẹ tẹ rehọ iẹe nọ onana họ uyo kẹ olẹ mẹ. Fikiere mẹ tẹ siọ oria owuhrẹ-egagọ na ba ẹnya je mu Ebaibol họ ewuhrẹ kugbe Antonis. Me te ru ẹnyaharo, kẹsena evaọ October 1997, mẹ tẹ rehọ ame-ọhọ dhesẹ omaromudhe mẹ kẹ Jihova via.

“Aye mẹ gbe emetẹ ekpako ivẹ mẹ, nọ e jọ ikpe 14 gbe ikpe 10 evaọ oke oyena, a jẹ wọso omẹ. Rekọ fiki uruemu ezi mẹ, aye mẹ ọ tẹ jiroro nọ ọ rẹ ziọ ewuhrẹ jọ eva Ọgwa Uvie na. Ẹwo Isẹri na gbe isiuru nọ a dhesẹ kẹe u duobọ tei gaga. Oghẹrẹ nọ a rehọ Ebaibol na ro ruiruo oye o mai si iei urru. Fikiere, aye mẹ gbe emetẹ ekpako ivẹ mẹ a tẹ rọwo uwuhrẹ Ebaibol kugbe Isẹri Jihova. Dai roro evawere mẹ nọ aimasa a họ-ame evaọ Okokohọ Ubrotọ “Ẹme Eruẹaruẹ Ọghẹnẹ” evaọ 1999!

“Ẹhẹ, a ru ẹgwọlọ mẹ rọkẹ uzẹme na gba. Enẹna uviuwou mai kpobi, te aye mẹ gbe emọ ene mai, a rọ okugbe evaọ egagọ efuafo Jihova.”

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa