Okpomahọ Okrẹkri

K’UKPE k’ukpe, Isẹri Jihova evaọ erẹwho sa-sa rai a re koko oma họ eva ikokohọ Ileleikristi. A re ru onana re a reawere uthubro gbe usu ọbọga abọ-ẹzi. Rekọ abọ efa jọ erọ oma ukokohọ rai na e sai wo okpomahọ okrẹkri kẹ erara.

Wọhọ oriruo, evaọ July 1999, idu Isẹri buobu evaọ Mozambique a koko oma họ evaọ edesa nọ e vọ avọ omawere eva Ikokohọ Ubrotọ “Ẹme Eruẹaruẹ Ọghẹnẹ” na. Ibuobu ahwo nọ e jariẹ evaọ okokohọ na o jọ orọ ọsosuọ rai. Orọnikọ eme nọ a yo no eplatfọmo na ze ọvo i kpomahọ ae he rekọ te eware nọ e wariẹ e rae họ nọ a ruẹ.

Ẹme jọ nọ a ta evaọ Ọgwa Okokohọ Maputo na họ: “Mẹ rẹ te ruẹ oria nọ u woma te ọnana evaọ uzuazọ mẹ kpobi hi! Odha gbe ughẹgbe e rọ eria nọ a rẹ jọ họ na, yọ i bi gbo emamọ ore. Okegbe udhedhẹ o jariẹ ababọ edo emọ nọ e be họre. Yọ a re tunye ohwohwo ho! Mẹ ruẹ emoha evawere, nọ e be t’ẹme ọbọga kugbe. Oghẹrẹ nọ ahwo kpobi a gọ ẹgọ ziezi o tẹ jẹ were omẹ. Oke ofa, mẹ te wha emọ mẹ lele oma yọ mẹ te tẹzẹ ọzae mẹ rọwo inọ ma re kpohọ okokohọ ọnana hrọ.”

Ẹhẹ, oruọzewọ, ẹgbakiete, gbe ẹfuọ ugboma Isẹri Jihova u re vo ahwo ẹro ho. Fikieme Isẹri na a je wo ẹhẹriẹ no amọfa? Fikinọ a be ghinẹ daoma re a fi oware nọ a bi wuhrẹ no Ebaibol na ze h’iruo. Emejabọ who gbe kuomagbe ai en’ukpe nana evaọ ikokohọ ubrotọ orẹwho rai hayo evaọ iwuhrẹ ikoka koka rai evaọ Ọgwa Uvie obonẹ re whọ ruẹ k’omobọ ra ha?

[Uwoho nọ o rrọ ẹwẹ-obe avọ 32]

ZAMBIA

[Uwoho nọ o rrọ ẹwẹ-obe avọ 32]

KENYA

[Uwoho nọ o rrọ ẹwẹ-obe avọ 32]

MOZAMBIQUE