UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • w02 3/1 ẹwẹ. 32
  • “Onana O rẹ Da”

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • “Onana O rẹ Da”
  • Uwou-Eroro Na Nọ U Bi Whowho Uvie Jihova—2002
Uwou-Eroro Na Nọ U Bi Whowho Uvie Jihova—2002
w02 3/1 ẹwẹ. 32

“Onana O rẹ Da”

KỌ WHO yo eme eyena no ẹdẹjọ? Ẹsejọhọ edọkita hayo enọso ọ ta eme eyena taure ọ tẹ te k’owhẹ oghẹrẹ umu jọ.

Ẹsejọhọ, whọ se umu na ha re whọ whaha edada nọ who rẹro riẹ na. Ukpoye, who thihakọ edada na re oma ra o sae ga. Ẹyao ọ tẹ rrọ gaga, ẹrehọ hayo ẹsiọ usiwo nọ o rẹ da o sae jọ ẹme uwhu gbe azọ.

Dede nọ orọnikọ ẹsikpobi ma rẹ gwọlọ ẹruorote edọkita ha, mai kpobi wọhọ ahwo-akpọ sebaẹgba ma sae whaha ọwhọkuo hayo ọkpọvio ho, makọ onọ o rẹ sae da ẹsejọ dede. (Jerimaya 10:23) Bi dhesẹ ẹgwọlọ nana evaọ oma emọ, Ebaibol na ọ ta nọ: “Ugheghẹ o rọ eva ọmaha, rekọ oviaviẹ ofa u re le i noi eva.”—Itẹ 22:15.

Evaọ etenẹ oviaviẹ u dikihẹ kẹ udu ọsẹ gbe oni. Uzẹme o rrọ inọ umutho emọ jọ ọvo ọwhọkuo ọ rẹ were. O tẹ gwọlọ uye-okẹ jọ, a sae se iẹe. Ghele na, esẹgbini iyoyou, enọ i wo areghẹ, a re rri vrẹ edada nọ o rẹ kẹ ọmọ na kpohọ erere riẹ. Esẹgbini Ileleikristi a riẹ nọ Ẹme Ọghẹnẹ ọ ta gba nọ ọ ta nọ: “Awere ọ rọ uye orọkẹ eva oke ọsosuọ họ; rekọ uwhremu riẹ o rẹ mọ ubi udhedhẹ o rọ ẹrẹreokie rọ kẹ e nọ a kẹ uye na.”—Ahwo Hibru 12:11; Itẹ 13:24.

Dede na, orọnikọ emọ ọvo e gwọlọ ọwhọkuo ho. Ekpako e gwọlọ e riẹ re. Ebaibol ọ be t’ẹme kẹ ekpako na nọ ọ ta nọ: “Yọrọ uwuhrẹ, ova owhẹ obọ họ, sẹro riẹ keme [oye] họ uzuazọ ra.” (Itẹ 4:13) Ẹhẹ, ahwo nọ i wo areghẹ—t’emaha t’ekpako—a rẹ jẹ ọwhọkuo nọ o no Ẹme Ọghẹnẹ, Ebaibol na ze rehọ, keme ere oruo o ti siwi uzuazọ rai.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa