Noke toke, Jihova ọ be hae rọ ẹkwoma ekareghẹhọ kpọ idibo riẹ. Eware vẹ e rrọ usu ekareghẹhọ itieye na? Uzoẹme uwuhrẹ ọsosuọ na o ta kpahe oware nọ ma jẹ sai fievahọ ekareghẹhọ Ọghẹnẹ. Orọ avivẹ na o ta kpahe idhere esa nọ ma sai ro ru evaifihọ nọ ma wo kpahe ekareghẹhọ Jihova jọ gaga.

▪ Kọ Whọ Rẹriẹ No?

▪ Hae Jẹ Emamọ Iroro

Oghẹrẹ nọ a rọ yọrọ omai gbe uruemu ahwo nọ a wariẹ omai họ u re kpomahọ iroro-ejẹ mai gbe oghẹrẹ nọ ma re rri eware. Ẹvẹ ma sae rọ jẹ iroro nọ e rọwokugbe oreva Ọghẹnẹ? Kọ eme ọ rẹ sai fi obọ họ kẹ omai ru lele iroro nọ ma jẹ? Izoẹme uwuhrẹ ivẹ nana i ti fi obọ họ kẹ omai kiẹ omamai riwi evaọ ẹme nana.

▪ Iruo Ọkobaro I re Ru Usu Mai Kugbe Jihova jọ Gaga

Ma te ta kpahe idhere eree nọ iruo ọkobaro e sai ro fi obọ họ kẹ Oleleikristi ru usu riẹ kugbe Jihova jọ gaga. Whọ tẹ rrọ ọkobaro, eme o ti fi obọ họ kẹ owhẹ daji iruo na nọ whọ tẹ maki wo ebẹbẹ? Whọ tẹ gwọlọ mu iruo ọkobaro họ je wo eghale nọ i re noi ze, eme whọ rẹ sai ru?

IZOẸME EFA NỌ E RRỌ UVITHA NANA

3 Jọ Abọdekọ Ẹme O Fi Obọ Họ Kẹ Owhẹ

32 Enọ Ahwo nọ A s’Ebe

UKE EMAGAZINI NA: Evaọ ẹkwotọ Amazonas nọ o rrọ ofẹ ẹkpẹlobọ ovatha-ọre Peru, uvẹ sa-sa o riẹ nọ ohwo ọ rẹ rọ ta usiuwoma oke-gheghe

PERU

UNU AHWO NỌ A RIẸ

29,734,000

UNU IWHOWHO-UVIE NỌ E RIẸ

117,245

UNU AHWO NỌ A HỌ-AME EVAỌ ETOKE IKPE ISOI NỌ I KPEMU

28,824

A be fa ebe mai fihọ evẹrẹ ezeza evaọ Peru. Ekobaro obọdẹ gbe imishọnare nọ i bu vi udhozeza (120) a be rọ ẹvẹrẹ Spanish gbe evẹrẹ efa ta usiuwoma