Uzoẹme nana o ta nọ Jihova yọ Ovie ebẹdẹ bẹdẹ, o tẹ jẹ ta kpahe oghẹrẹ nọ o bi ro su emama riẹ nọ e rrọ odhiwu gbe otọakpọ. O tẹ jẹ tuduhọ omai awọ nọ ma rọ aro kele idibo Ọghẹnẹ nọ e salọ nọ a rẹ gọ Ovie ebẹdẹ bẹdẹ na evaọ okenọ u kpemu.

▪ Ikpe 100 Erọ Esuo Uvie Na —Ẹvẹ U ro Kpomahọ Owhẹ?

Uzoẹme nana u ti fi obọ họ kẹ omai riẹ eware sa-sa nọ Uvie Mesaya na u ru no anwọ ikpe ẹgba ọvo (100) nọ i kpemu na. O te jẹ tuduhọ omai omomọvo awọ re ma romakpotọ kẹ Uvie na. U te no ere no, u ti fi obọ họ kẹ omai roro didi kpahe otofa uzoẹme ẹgbukpe mai orọ 2014.

▪ Jẹ Emamọ Iroro Evaọ Oke Uzoge Ra

▪ Gọ Jihova Taure Edẹ Iyoma na E tẹ Ze

Eme mẹ te rọ uzuazọ mẹ ru? U fo nọ ohwo kpobi nọ ọ roma mudhe kẹ Jihova no ọ rẹ nọ omariẹ onọ nana. Ma te jọ izoẹme ivẹ nana ta kpahe ithubro nọ e rẹ sai fi obọ họ kẹ izoge Ileleikristi gọ Ọghẹnẹ ziezi, gbe uvẹ sa-sa nọ Ileleikristi nọ e kpako no a sai ro wobọ ziezi evaọ iruẹru Uvie na.

▪ ‘Jọ Uvie Ra O Ze’—Rekọ Oke Vẹ?

Iruẹru ikẹdẹ kẹdẹ gbe eware nọ e be via evaọ akpọ na e be rehọ iroro ahwo buobu. A jọ uzoẹme nana ta kpahe eware imuẹro esa nọ i fi obọ họ kẹ Ileleikristi riẹ nọ Uvie Ọghẹnẹ o te raha uyero akpọ omuomu nana kẹle na.

IZOẸME EFA NỌ E RRỌ UVITHA NANA

3 A rọ Unevaze Fialoma Via—Evaọ Obọ West Africa

32 Oware nọ Mẹ Salọ Okenọ Mẹ jọ Ọmaha

UKE EMAGAZINI NA: Inievo nọ e be ta usiuwoma kẹ emọ isukulu ikpehru nọ i no orẹwho ofa ze evaọ ẹwho Lviv, obọ Ukraine

UKRAINE

UNU AHWO NỌ A RIẸ

45,561,000

UNU IWHOWHO-UVIE NỌ E RIẸ

150,887

A wo ikoko nọ i bu te 1,737 gbe itu esese nọ i bu te 373, yọ a rrọ ẹkwotọ na ta evẹrẹ nọ i bu te 15. Usu rai họ, ẹvẹrẹ Hungary, Romania, Russia, Ukraine, gbe Ẹvẹrẹ Obọ rọ t’Ẹme Russia