Eme Ebaibol Na Ọ Ta?
Ẹvẹ egagọ i ro muhọ?
AHWO JỌ A TA NỌ obọ ahwo-akpọ egagọ i muhọ no ze; efa a re roro nọ Ọghẹnẹ ọ be rọ ẹkwoma egagọ si ahwo kẹle omariẹ. Ẹvẹ who roro?
ẸME NỌ EBAIBOL NA Ọ TA
U wo egagọ ọvo jọ “nọ o rrọ fuafo nọ u gbeku hu evaọ aro Ọghẹnẹ gbe Ọsẹ mai.” (Jemis 1:27) Egagọ uzẹme yena, obọ Ọghẹnẹ u no ze.
EME ỌFA MA RẸ SAI WUHRẸ NO EBAIBOL NA ZE?
Re Ọghẹnẹ ọ sae jẹ egagọ mai rehọ, iwuhrẹ riẹ i re no Ebaibol na ze.—Jọn 4:23, 24.
Egagọ nọ e be rehọ iwuhrẹ ahwo-akpọ wuhrẹ ahwo, yọ egagọ eruẹ.—Mak 7:7, 8.
Kọ o gbahọ nọ ohwo o re kuomagbe egagọ jọ?
KỌ WHỌ TE TA NỌ?
Ee
Ijo
Mẹ nwane riẹ hẹ
ẸME NỌ EBAIBOL NA Ọ TA
“Joma roro kpahe ohwohwo re ma sai ru ohwohwo dhesẹ uyoyou je ru ohwohwo ru iruo iwoma, ma re gbabọkẹ omakokohọ mai hi.” (Ahwo Hibru 10:24, 25) Ọghẹnẹ ọ gwọlọ nọ enọ e be gọe a rẹ jọ egagọ ọvo.
EME ỌFA MA RẸ SAI WUHRẸ NO EBAIBOL NA ZE?
U fo nọ enọ e be gọ Ọghẹnẹ kugbe, a rẹ rọwo eware evona.—1 Ahwo Kọrint 1:10, 11.
Ahwo nọ a rrọ egagọ ọvo nọ Ọghẹnẹ ọ jẹrehọ, aikpobi a re zihe ruọ inievo evaọ akpọ na soso.—1 Pita 2:17.