Eware Nọ E Riẹ

Ahwo buobu nẹnẹ a be gwọlọ nọ a muẹrohọ ae evaọ akpọ omuomu nana. Ma te jọ uzoẹme nana ta kpahe oware nọ u ro fo nọ a riẹ omai oghẹrẹ ẹriẹ nọ ọ mai woma, koyehọ, ẹriẹ nọ Jihova ọ rẹ riẹ idibo riẹ nọ e be rọ eva kpobi gọe. Ma te jẹ ta kpahe epanọ Jihova o bi ro muẹrohọ idibo riẹ, ẹsejọ dede evaọ idhere nọ a rẹro riẹ hẹ.

Ma te jọ uzoẹme nana ta kpahe oware nọ o wha riẹ ze nọ Mosis, ọzae nọ ọ vọ avọ ẹrọwọ na o ro ku uvẹ nọ ọ hae rọ ruọ Ẹkwotọ Eyaa na fiẹ. Ma ti je wuhrẹ kpahe oware nọ ma re ru re ma siọ ẹta nọ Mosis o kie na ba ekie.

Jihova o wo udu nọ ọ rẹ rọ ta nọ ọye o wo ahwo-akpọ kpobi. Fikiere, Jihova ọ gwọlọ nọ ọye ọvo ma rẹ gọ. Rekọ ahwo jọ a re ru wọhọ ẹsenọ a bi yoẹme kẹ Ọghẹnẹ rekiyọ a bi yeri uzuazọ aghẹmeeyo. Evaọ uzoẹme ọsosuọ na, ma ti wuhrẹ obọdẹ eware jọ evaọ iku nọ a jọ Ebaibol na gbe kpahe Keni, Solomọn, Mosis, gbe Erọn. Evaọ uzoẹme avọ ivẹ na, ma te ta kpahe idhere sa-sa nọ ma re ro dhesẹ nọ uvẹ-ọghọ nọ ma rọ rrọ idibo Jihova na o da omai ẹro fia.