Nọ O tẹ Wọhọ nọ Akpọ Ọ Bẹ Omai No

Wọhọ oriruo, nọ ofou-ọwhibo ọ raha eyero aye jọ nọ a re se Sallya evaọ obọ America, ọ ta nọ: “O jọ omẹ oma nọ mẹ sai thihakọ riẹ hẹ. Ẹsibuobu me je roro nọ me bi ti whu no.”

Kọ otẹrọnọ ohwo mai jọ o whu? Aye jọ nọ a re se Janice evaọ obọ Australia ọ ta nọ: “Nọ emezae ivẹ mẹ i whu, mẹ daoma epanọ mẹ sai ro koko oma mẹ họ, rekọ a rẹ ruẹ unu gbiku epanọ edada na e ga te he. Mẹ tubẹ lẹ se Ọghẹnẹ inọ: ‘Ivie, mẹ gbẹ sai thihakọ riẹ hẹ! Jọ me whu. Me te kiẹzẹ, mẹ gbẹ gwọlọ rọwo ze he.’ ”

Daniel ọ rẹriẹ ovao dhe oghẹrẹ ẹbẹbẹ ọfa. O da riẹ te onwa nọ ọ riẹ nọ aye riẹ o je lele ọzae ọfa. Ọ ta nọ: “Nọ aye mẹ ọ feva nọ ọ be hai lele ọzae ọfa, o jọ omẹ oma wọhọ ẹsenọ a rọ agha duwu omẹ. Edada na e ga te epanọ o rọ wọhọ ẹsenọ a jẹ rọ agha na duwu omẹ evaọ emerae buobu.”

Ma te jọ uvitha Uwou-Eroro nana ta kpahe ẹjiroro nọ u ro fo re ma yeri uzuazọ mai vrẹ o tẹ make rọnọ

• Okpẹtu ọ romavia

• Ohwo mai jọ o whu

• Ọzae hayo aye mai o bruẹnwae

• Ma be mọ okpẹyao

• Akpọ ọ bẹ omai no

Orọ ọsosuọ, ẹvẹ ma sai ro thihakọ nọ okpẹtu ọ tẹ romavia?