Iwuhrẹ Odibọgba Ọrọ Amara january
Oka nọ O Rọ January 1 Muhọ
Ole Avọ 133 (68)
7 min: Iwhowhovia obọ mai. Salọ Iwhowhovia no Odibọgba Uvie Mai ze.
13 min: “Ta Usiuwoma avọ Otoriẹ.” Ta igogo eme na, je ru odhesẹvia ọvo jọ hayo ivẹ. Jọ ukoko na riẹ ebe anwae nọ e gbẹ rọ ukoko na.
25 min: “Wereva Je Koko Oma Họ.” Ẹme ọjaja nọ ọkpako ọ rẹ ta no Uwou-Eroro Na (ọrọ Oyibo) April 1, 1993, ewẹre-obe 28-31. Evaọ eme emuhọ kpẹkpẹe, dhesẹ oware nọ o jẹ rọ owha-iruo re a wereva je koko oma họ evaọ eware nọ ma bi ru kpobi. T’ẹme fodẹ Jihova avọ Ọmọ riẹ, Jesu Kristi, wọhọ iriruo evawere gbe oma o ruẹrẹhọ evaọ iruẹru rai kpobi. Je fi elo họ igogo eme enana: (1) Whọ Jọ Eva Gaga Kẹ Omobọ Ra Ha. (2) Arakọ ọ rọ Uzuazọ Manikọ Okpohrokpo Owhuowhu? (3) Riẹ Yeri Kugbe Omobọ Ra. (4) Riẹ Yeri Kugbe Amọfa. (5) Rẹro te Omomọvo. (6) Jọ Kpekpekpe Kugbe Uthuru Na. Se eria ikereakere nọ a salọ re who je fi ai họ iruo. Rọ uduotahawọ oyoyou ku ei họ inọ ahwo na kpobi a sae nyate owha-iruo oma oruẹrẹhọ gbe evawere.
Ole Avọ 28 (5) gbe olẹ ekuhọ.
Oka nọ O Rọ January 8 Muhọ
Ole Avọ 138 (71)
10 min: Iwhowhovia obọ mai. T’ẹme kpẹkpẹ kpahe ẹbẹbẹ ahwo nọ e be hẹ jọ uwou ho. Tudu họ iwhowho-uvie na awọ re a rọ uvẹ oke na nya bru ahwo nọ e be nya edhere vrẹ, nọ i dikihẹ akotọ edhere, hayo enọ e keria imoto.
15 min: Aghare Uketha ọrọ Ekade Advance Medical Directive/Release. Ọkpako ọ rẹ t’ẹme kugbe ukoko na epanọ u wuzou te re omomọvo ọ riẹ kere fihọ eria nọ a kẹ na evaọ ekade ọ Advance Medical Directive/Release gbe nọ a hẹ whae lele oma oke kpobi jegbe oware nọ u je fo re emaha na a wha Identity Card lele oma ẹsikpobi. Wọhọ epanọ uzoẹme ekade na u dhesẹ na, o rẹ kẹ ọjọriẹ oware nọ a gwọlọ (hayo onọ a gwọlọ họ) kpahe ẹruọsa imu. Fikieme a je bi ru onana kukpe kukpe? Fikinọ ekade ọkpokpọ ọ rẹ da ruoma vi ọnọ a re rri nọ ọ who no hayo ọnọ o gbe dhesẹ ẹrọwọ ohwo ho. Ekade na ọ rẹ jọ amiunugu k’owhẹ otẹrọnọ whọ gbẹ be sae t’ẹme he. A te ghale ekade na nẹnẹ. A rẹ jọ obọ uwou romakpotọ kere eme fihọ ai, rekọ a rẹ n’obọ họ ai hi. Wọhọ epanọ ma bi ru anwọ ikpe ivẹ nọ i kpemu na, obọ nẹhọ gbe ohwo nọ o dikihẹ k’owhẹ o rẹ jọ oria Uwuhrẹ Obe Ukoko ra, evaọ otọ ẹruọsa enọ i bi ru iwuhrẹ obe uwuhrẹ ukoko na. Ahwo nọ a nẹ obọ hiẹe wọhọ enọ i dikihẹ k’owhẹ a rẹ ghinẹ ruẹ nọ ohwo nọ o wo ekade na ọ n’obọ họ ekade na. A re ru onana nọ obe uwuhrẹ na o te kuhọ no evaọ oka nọ o rọ amara January 15 muhọ. Iwhowho-uvie nọ e họ-ame no kpobi a re kere eme fihọ ekade Advance Medical Directive/Release na. Iwhowho-uvie nọ e re họ-ame he, ẹkwoma enwene ẹvẹrẹ ekade nana kpohọ eyero gbe ẹrọwọ rai, a rẹ sai kere ẹkẹ rai. Esẹ gbe ini a rẹ sai fiobọhọ kẹ emọ rai kere eme fihọ Identity Card na.
20 min: “Jọ Iru—Orọnikọ Iyo Ọvo Ho.” Enọ gbe iyo. Oke o tẹ riẹ, t’ẹme kpahe epanọ ẹmeoyo o wuzou te, no obe ọ Insight ze, Volume 2, ẹwẹre-obe 521, idhe-ẹme 1 gbe ọrọ avọ 2.
Ole Avọ 70 (39) gbe olẹ ekuhọ.
Oka nọ O Rọ January 15 Muhọ
Ole Avọ 77 (41)
12 min: Iwhowhovia obọ mai. Iyẹrẹ igho nẹ. Kẹ uyere ọrọ uketha igho evaọ iruo omoma gbe ọrọ akpọ soso nọ a bi ru re a ruẹse ta usiuwoma na.
15 min: Ẹgwọlọ ukoko na. (Hayo “Yọrọ Iroro Odhẹ Okpakpata Ra,” ẹme nọ a sino Uwou-Eroro Na (ọrọ Oyibo) ze October 1, 1995, ewẹre-obe 25-28.)
18 min: “Zihe Re Who Siwi Ejọ.” Kiẹ iroro usiuwoma ota nọ a dhesẹ na. Dhesẹ ewoma ute nọ a ro mu iwuhrẹ Ebaibol họ evaọ obe okpokpọ na, Eriariẹ Nọ I Re Su Kpohọ Uzuazọ Ebẹdẹ Bẹdẹ.
Ole Avọ 156 (68) gbe olẹ ekuhọ.
Oka nọ O Rọ January 22 Muhọ
Ole Avọ 200 (108)
5 min: Iwhowhovia obọ mai.
20 min: “Wo Erere No Isukulu Odibọgba Ọghẹnẹ ọrọ 1996 na Ze—Abọ 1.” Ẹme nọ ọsẹro isukulu o re ru. Kiẹ ehrẹ nọ a rọ kẹ eme emọ-iwuhrẹ evaọ ovuẹ Isukulu Odibọgba Ọghẹnẹ na, nọ e roma via evaọ Odibọgba Uvie Mai (ọrọ Oyibo) December 1995 na.
20 min: “Ta Ẹme avọ Aruọwha.” Ẹme gbe iroro jẹ nọ ọkpako o re ru. Kiẹ iruẹru omoma usiuwoma Ẹdoka riwi. Jiri ai kẹ obọfihọ owoma rai, je dhesẹ oria nọ a jẹ gwọlọ ẹnyaharo.
Ole Avọ 92 (51) gbe olẹ ekuhọ.
Oka nọ O Rọ January 29 Muhọ
Ole Avọ 31 (62)
10 min: Iwhowhovia obọ mai.
15 min: “Oware nọ Ẹzi ọ Ogu-Inoma O gbẹ Jọ orọ Evawere He.” Ẹmeọta evaọ uzoẹme nọ o rọ Uwou-Eroro Na (ọrọ Oyibo) March 15, 1993, ewẹre-obe 19-22. A re duobọ te eme nọ e riẹ kpobi ziezi. Jọ ẹme na riobọhọ uvi edhere nọ a re lele evaọ oghẹrẹ nọ a re ru kpahe emamọ inoma iguo. Ekpako i re muẹro hotọ re a jowọ vẹrẹ nọ inoma ilogbo e tẹ roma via. Ru eriwo Ọghẹnẹ kpahe igu-inoma via gbe epanọ uruemu na u re yoma te kẹ omomọvo je te ukoko na. Tudu họ ahwo na kpobi awọ re a ruiruo gaga re a ruẹse fi ẹzi unoma uguo kparobọ. Fi ẹgba họ erere ologbo nọ ma re wo ọrọ ẹwhaha uwhu ẹzi ọ inoma iguo kpahe eyero uzuazọ mai. Ikereakere nọ i duobọhọ ugogo ẹme na a re se ai je dhesẹ epanọ a re fi ai họ iruo.
20 min: Fiọ Obe ọ Ria Bẹdẹ Bẹdẹ na họ Ada Evaọ Amara February. Rovie kpohọ eware buobu nọ e riẹ eva je dhesẹ izou-eme sasa nọ e rọ obe onana kẹ ọnọ o wo uwou na. Rọ evawere rehọ iwoho iwowoma nọ e riẹ na kpare isiuru je fi okpakpa họ ahwo na oma. Wọhọ oriruo, a rẹ sae rọ iwoho nọ e rọ ewẹre-obe 9-13, 150-153, gbe 156-162 ro dhesẹ eyero akpọ okenana gbe uzuazọ nọ o te jọ evaọ Aparadase ọ otọakpọ na. Ru ogbotu na re a kpahe ẹme fihọ iwoho enana, re a fi ohẹriẹ họ eyero okenana gbe eghale uzuazọ evaọ Aparadase. Jọ u muowhẹ ẹro nọ whọ rehọ eme nọ a rẹ sae rọ ta usiuwoma lahwe. Kareghẹhọ ahwo na kpobi re a dẹ enọ a ti ro ruiruo evaọ oka onana.
Ole Avọ 143 (76) gbe olẹ ekuhọ.