Iwuhrẹ Odibọgba Ọrọ July

Oka nọ O Rọ July 1 Muhọ

Ole Avọ 90 (51)

12 min: Iwhowhovia obonẹ. Salọ iwhowhovia no Odibọgba Uvie Mai ze. T’ẹme kpahe iyẹrẹ iruo March orẹwho na gbe ọrọ ukoko na.

15 min: “Erugba Eyaa Mai n’Ẹdẹ t’Ẹdẹ.” Enọ gbe iyo. Ku eme nọ i no obe ọ Insight, Uko avọ 2, ẹwẹ-obe 1162, edhe-ẹme avọ 6-7 gbei, nọ u dhesẹ oware nọ eyaa o jẹ rọ owha ulogbo.

18 min: “Raro Kele Jihova Ẹkwoma Obọdẹ Ẹruọsa ọ Amọfa.” (Edhe-ẹme 1-3) Rehọ edhe ọsosuọ t’ẹme kpahe uzou ẹme na. Vuhu ibroshọ nọ e rọ ukoko na nọ e te were ahwo ziezi evaọ ẹkwotọ ra. Kiẹ edhe-ẹme avọ 2-3 ọvo riwi, je ru odhesẹvia epanọ a rẹ rehọ ibroshọ na Kọ Ọghẹnẹ Ọ Be Ghinẹ Daezọ Mai? ro ru iweze ọsosuọ gbe ozihebro. Dhesẹ epanọ iwhowho-uvie a rẹ sae rọ rehọ ibroshọ ọfa nọ o fo ẹkwotọ rai ru usiuwoma ota.

Ole Avọ 112 (207) gbe olẹ ekuhọ.

Oka nọ O Rọ July 8 Muhọ

Ole Avọ 63 (43)

5 min: Iwhowhovia obonẹ.

23 min: “Jọ Elo Mai O Lo Kẹse Kẹse.” Rehọ eme emuhọ ekpẹkpẹe no edhe-eme 1-5 ze. Rehọ enọ gbe iyo ru edhe-eme avọ 6-16. Se edhe-eme avọ 6-9, 15, gbe 16. Rehọ edhe-eme avọ 17-19 ro kuhọ. O tẹ lọhọ ọsẹro iruo usiuwoma ota ọye o re ru ẹme na.

17 min: “A Gwọlọ Inievo Emezae Efa Evaọ Iruo Ọkobaro Na.” Enọ gbe iyo. Epanọ oke o riẹ te, kiẹ ẹjiroro epanọ a rẹ rọ rẹro te ẹgwọlọ ugho, wọhọ epanọ a ta riẹ evaọ Uwou-Eroro, ọrọ September 15, 1993, ẹwẹ-obe 28-31 (ọrọ Oyibo).

Ole Avọ 16 (128) gbe olẹ ekuhọ.

Oka nọ O Rọ July 15 Muhọ

Ole Avọ 162 (193)

10 min: Iwhowhovia obonẹ. Iyẹrẹ epanọ igho e nya.

20 min: “Kọ Whọ Dawo Isẹri-Ise Owọwọ No?” Ẹme nọ ogbotu ọ rẹ kpahe fihọ gbe ekiẹriwo. Gbiku oware nọ a muẹrohọ no evaọ okenọ a bi ru ẹkwotọ na evaọ owọwọ. Ku iyẹrẹ iwoma nọ i no isẹri-ise owọwọ ze gbei. Dhesẹ oma iruo ukoko na kẹ okuomagbe ọrọ usiuwoma ota.

15 min: “Raro Kele Jihova Ẹkwoma Obọdẹ Ẹruọsa ọ Amọfa.” (Edhe-ẹme avọ 4-5) T’ẹme kpahe edhe-ẹme avọ 4-5 ọvo gbe eme ọ oruvẹ jọ kpahe ibroshọ na Okenọ Ohwo nọ Who You O te Whu. Ru idhesẹvia iriruo nọ a kẹ na kpahe iweze ọsosuọ gbe ozihebro.

Ole Avọ 64 (214) gbe olẹ ekuhọ.

Oka nọ O Rọ July 22 Muhọ

Ole Avọ 108 (183)

5 min: Iwhowhovia obonẹ. Kiẹ ikere ekpokpọ emagazini na riwi kpẹkpẹe, whọ vẹ riobọhọ eme isiuru nọ a rẹ sae fihọ iruo re a fi ai họ ada evaọ unuẹthẹ.

12 min: “Raro Kele Jihova Ẹkwoma Obọdẹ Ẹruọsa ọ Amọfa.” (Edhe-ẹme avọ 6-8) Rehọ edhe-ẹme urere na tudu họ ahwo kpobi awọ re a kaki zihe bru ahwo nọ a fi ibroshọ họ ada kẹ. Nọ whọ be rehọ edhe-ẹme avọ 6-7 ruiruo na, ru odhesẹvia epanọ a re ro fi ibroshọ na Eme Họ Ẹjiroro Uzuazọ? họ ada evaọ iweze ọsosuọ gbe epanọ a re ro mu uwuhrẹ họ evaọ uzou ọsosuọ obe Eriariẹ na evaọ ozihebro. Kareghẹhọ iwhowho-uvie na nọ a rẹ sae rehọ ibroshọ efa ru idhesẹvia obọ rai, a vẹ nya lele iriruo ezọhọhọfihọ nọ a adhesẹ evaọ Odibọgba Uvie Mai.

13 min: Le Ute Iruo Odibọgba Oke-kpobi Na. Ẹmeọta kugbe evaọ udevie ọkpako ukoko gbe ọmọ-uzoge ọvo hayo ivẹ, nọ a rehọ no Uwou-Eroro, ọrọ December 15, 1988, ewẹ-obe 25-27 ze (ọrọ Oyibo). Izoge na a be daoma jiroro ute nọ a re le nọ a te nwotọ no isukulu. A bi dhesẹ isiuru kpahe eware iwo nọ iruo akpọ na e rẹ kẹ. Ọkpako na ọ vẹ riobọ họ emamọ ẹjiroro nọ ọ rẹ mae woma re a te kẹ iruo ọkobaro. Emọ-uzoge na a rọwo rekọ a rọ awa sọ a te sae ruiruo ọkobaro jẹ sai wo eware nọ a gwọlọ evaọ abọ iwo. Ọkpako na ọ vẹ ta eware nọ evia no izoẹme ọ Uwou-Eroro na ze, nọ i dhesẹ nọ iruo ọkobaro yọ o nọ u wo iroro, nọ a rẹ sae nyate nọ o rẹ wha oghọghọ buobu se ahwo. Ẹme na o ve kuhọ avọ eme ovuhumuo nọ emọ-uzoge na a rẹ ta kẹ ọkpako na gbe ọtamuo rai re a roro didi kpahe e le ute nọ a sae ro w’abọ evaọ iruo Uvie na.

15 min: “Epanọ A rẹ Rehọ Obe Eriariẹ na ro Ru Ilele.” Ẹme nọ a re ru no edhe-ẹme avọ 12-16 evaọ uko obeva ọ June 1996 ze. Ku idhesẹvia ivẹ ọrọ obe uwuhrẹ Ebaibol nọ a bi ru gbei. Orọ ọsosuọ u re dhesẹ epanọ a re ro wuhrẹ ọmọ-uwuhrẹ na re ọ ruẹrẹ oma họ kẹ uwuhrẹ ẹkwoma usi nọ o re si wariẹ eme hayo uye-eme nọ i wuzou nọ e k’uyo enọ na. Orọ avivẹ u re dhesẹ ẹme nọ whọ rẹ sae ta rọ tudu họ ọmọ-uwuhrẹ Ebaibol na awọ re ọ nyaze Ovuẹ Ogbotu gbe Uwuhrẹ Uwou-Eroro Na.

Ole Avọ 116 (63) gbe olẹ ekuhọ.

Oka nọ O Rọ July 29 Muhọ

Ole Avọ 212 (188)

5 min: Iwhowhovia obonẹ.

15 min: Eme O re Fiobọhọ kẹ Ohwo Wo Obe Uwuhrẹ Ebaibol? Ọkpako ukoko ọ rẹ kpọ ẹmeọta evaọ udevie imava hayo imasa nọ i wo obokparọ no evaọ iruo obe uwuhrẹ Ebaibol, ọ vẹ kiẹ idhere nọ e rẹ mai wo obokparọ nọ a re ro mu iwuhrẹ họ: (1) Lẹ kẹ obọfihọ Jihova. (2) W’abọ kẹse kẹse evaọ kabọ kabọ odibọgba na re whọ gwọlọ ahwo nọ i wo isiuru. (3) Kere enọ i wo isiuru kpobi fihọ otọ, jẹ kaki zihe bru rai evaọ ẹruoke. (4) Hai dhesẹ obe uwuhrẹ kẹse kẹse evaọ oria kpobi nọ a je dhesẹ isiuru. (Riwi uzoẹme na “Getting Bible Studies Started” [Emuhọ Obe Uwuhrẹ Ebaibol], evaọ ẹwẹ-obe 20 ọ Uwou-Eroro ọrọ February 15, 1996.) (5) Bọ evafihọ ẹgba ewuhrẹ ra ẹkwoma e ro ruiruo ezọhọfihọ ene nọ a dhesẹ fihọ Uwou-Eroro, ọrọ August 1, 1984, edhe-ẹme 13-17 (ọrọ Oyibo).

25 min: “Ẹkẹ Abọ Ra Evaọ Ebabọ kẹ Obaro.” Enọ gbe iyo no eme nọ e rọ uko obeva na ze. Se edhe-ẹme 6, 7, 13, gbe 14. Jiri inievo na kẹ ọghọoruo unevaze rai kẹ Ẹkpa-Ugho Ukoko-Ulogbo kẹ Ọgwa Uvie gbe obọ nọ a fihọ no rọ kẹ ebabọ jọ.

Ole Avọ 12 (93) gbe olẹ ekuhọ.